綜藝節目(2022-)

ching2506

(on.cc)
胡定欣呂方靚聲獻唱　大佛鐘聲祈福迎新年
12月29日(四) 04:01

無綫將於除夕夜（31日）炮製特備節目《福佑香江 同心邁向2023》直擊寶蓮禪寺元旦叩鐘倒數活動，與市民攜手跨進新一年。多位歌手呂方、蕭正楠、謝東閔、谷婭溦、《聲夢傳奇2》亞軍黃洛妍（Janees）以及「視后」胡定欣演出，加上頂尖古箏演奏家鄒倫倫、香港樂團、四擊頭敲擊樂團精彩絕倫的經典音樂演奏與香港舞蹈總會的精湛表演，為叩鐘祈福晚會增添藝術色彩。

期間逾300架無人機會進行大匯演，拼出祝福圖案，配合數碼燈絢麗壯觀的光芒閃耀天壇大佛的夜空，在新一年為全球人民祈福，祝願疫情盡快消退，市民身體健康，安居樂業。

ching2506

(on.cc)
陳瀅準備返加拿大過年　JW好想衝出香港
01月03日(二) 23:13
藝人陳瀅、王灝兒（JW）、陳嘉慧、余思霆、彭慧中等，今晚（3日）為《獎門人新春感謝祭》擔任嘉賓。獎門人一直不斷添食，節目開始時獎老林秀怡大膽窒曾志偉：「又話上一集係最後一集，冇口齒囉。」志偉笑言：「唔同，呢集係新春感謝祭。」今集亦有獎老林曉峰回歸，他笑言從未離開過，一直纏住獎門人，志偉說：「我有上香畀你㗎。」

去到「坐波波」遊戲，彭慧中表現勇猛，來回狂衝坐爆了20個波，被大讚猶如運動員，但衝到最後卻喘晒氣，好像虛脫一樣坐在地上。首次上節目的何超蓮亦沒有鍚身，但似乎太輕磅未能坐爆波。

JW的「兔兔收得隊」請來陳瀅、何超蓮、與《聲夢傳奇2》學員黃洛妍等組隊玩遊戲，JW與陳瀅是掌門人常客，兩人皆玩了3次，經驗十足。講到農曆年陳瀅透露將會返加拿大陪婆婆過年，會在農曆年前才起程，預算逗留兩星期。JW亦相當羨慕陳瀅外遊，亦有想過大家一起去旅行，透露3月拍攝《痞子殿下》前，會與周嘉洛、朱敏瀚、JW齊齊拍旅遊節目，笑言只要衝出香港，甚麼地方也可以。

ching2506

(Topick!)
【超級毛特兒大賽】向海嵐首度任J2「真狗騷」主持　招浩明拍宣傳片被愛犬扯飛
2023/01/04 (14:11)

踏入2023年，J2再接再厲推出全新類別真「人」騷，集合行天橋、問答環節、才藝表演及水著競技等多項不同元素，測試各大參加者潛藏實力，誓要為業界捧出耀眼超級新星。

值得留意的是，雖然節目形式似足真人騷，不過參與主角並非人類，而是毛孩界代表—狗狗！堪稱香港電視史上首個選美真狗show、被視為狗狗版《全美超級模特兒新秀大賽》的《超級毛特兒大賽》。

所有參賽狗狗與主人將共同經歷一場最獨特、最Bling Bling兼且最嘈吵的選拔賽，主人與狗狗將接受不同類別的Model級考驗，爭奪史無前例首個「超級毛特兒」殊榮。

除了競賽內容新穎刺激又吸引，製作組還請來寵物界星級團隊，包括馴犬師、攝影師、美容師、服裝造型、Doga（狗瑜伽）及營養師等，務求全方位釋放參賽狗狗的潛藏星味。

主持陣容方面亦全是愛狗之人，包括之前憑《下流上車族》成功彈出的J2er黃嘉雯（Carmaney）、主持經驗豐富的周奕瑋（Jarvis），以及1998年港姐冠軍向海嵐。

向海嵐首度擔任J2主持
其中入行多年的向海嵐除是首度登陸J2擔任主持，該個更是她第一個真「人」騷節目主持工作。

問到是甚麼吸引她作出如此大膽新嘗試時，她笑謂：「之前港姐都有拍過類似真人騷嘅節目，但係嗰次唔係做主持，但我真係全程都做得好投入，係一個好難忘嘅拍攝經驗。．」

向海嵐續表示：「今次知道J2會搞個咁特別嘅真狗騷，講真自己都心郁郁想參加埋一份，不過後尾製作組話之所以邀請我做主持，係因為希望我喺選美比賽嘅經驗，可以令呢個節目出現更好睇嘅火花，仲話個節目好多選美元素，好啱我，所以我就一口應承咗喇。」

自小已十分喜歡小動物的向海嵐，曾養過松鼠狗，亦當過貓奴，近年則養了一隻名為Chloe的貴婦狗。由於向海嵐每天都跟Chloe一起生活，令愛犬變得極為黐身，不但向海嵐稍為轉身便會狂吠她，更會爭寵兼呷乾醋，足證向海嵐平時是何等寵愛狗狗。

招浩明愛犬曾拍《開心速遞》
製作組在官方社交平台正式進行公開招募，並請來程浩駿及招浩明等，與三隻不同類型的可愛毛孩進行「表情大激鬥」，三Pair均成功製造出「神同步」表情及節奏，相當有趣。

值得留意的是，當中與招浩明激鬥的金毛尋回犬，正是招浩明愛犬Romeo，Romeo更是來頭不小，曾參與《愛‧回家之開心速遞》及還未推出的新劇《寵愛Pet Pet》等拍攝工作，絕對是星級狗狗。

招浩明受訪時透露共花了數小時拍攝宣傳片，他笑指「神同步」拍攝雖然有一定難度，但由於之前亦累積過相關經驗，故過程尚算順利，有些鏡頭更一take過搞掂。

談到宣傳片中的被Romeo扯飛的部分，招浩明透露原來試了很多不同的方法：「試過由高跳落嚟，亦都試過原地跳，同導演夾咗唔同嘅做法，務求做到最好嘅效果，好開心最後出嚟嘅畫面都幾有動感。」

ching2506

(mytv Super英語劇, 特別節目當是綜藝節目)

(on.cc)
周身刀！麥玲玲拍英語劇衝出國際
01月06日(五) 16:01

著名玄學家麥玲玲除了睇風水，間中亦會踩過界唱歌、拍電影、電視劇以及上綜藝節目，而且參與的作品如劇集《逆天奇案》、《美麗戰場》收視仲相當之好。最近她又有新嘗試，就是參演《香港愛情故事》、《青春不要臉》監製林肯的新作《Cross My Mind》，劇名是英文，原來劇集主要語言也是英語，麥玲玲師傅笑言：「我一向好鍾意林肯嘅劇作，之前佢搵我客串另一部劇集，但我當時唔喺香港而錯過咗，今次點都要參與！《Cross My Mind》全套劇都係講英文，只有一啲喺香港發生嘅必要情節係講廣東話，我收到劇本時都嚇一跳，全英文嘅劇本都真係第一次見！其實監製曾經講過明珠台都應該有自家製劇集，香港一向華洋共處，我覺得市場上絕對支持得到，甚至可以形成一個特色。」

角色方面，麥玲玲劇中做回自己，飾演一位玄學家，她透露：「劇情講女主角遇到靈異嘅事，搵我指點迷津。成個團隊準備好充足，我只係客串一場戲份，但監製特登約我開會，同討論劇中要用到邊啲風水物品，亦都畀好大自由度我，因為牽涉玄學領域，其中一啲對白我都有畀意見，監製好好，好願意採納。」

劇集正值後期製作，預計3月在myTV SUPER首播，同時也會在外地播出，至於播放平台，麥師傅則賣關子：「套劇有少少中國特色元素，一個唔覺意被睇中，進軍外國市場，喺有名嘅串流平台度播，甚至話唔埋去埋荷里活都唔定㗎，哈哈！」

該劇女主角為陳明憙，對方自小就讀國際學校，又曾負笈美國留學，全英語對白當然無難度，胡渭康則於劇中飾演麥玲玲的常客。大家都合作得非常愉快。

lily123

(on.cc)
黎諾懿擔任籌款節目監製碌盡「人情卡」　邀請李佳芯演唱
2023年01月10日 15:50

黎諾懿為籌款節目《慈善星輝仁濟夜》擔任監製，他在荃灣出席記招時指今次是第五度擔任節目監製，但首次做現場節目壓力較大，今次節目亦跟過往籌款節目不同，會將《仁濟心》劇集變成舞台劇在籌款節目中演出。

為了舞台劇環節諾懿邀請了演藝學院出身的賴慰玲擔任導演，戴祖儀、李芷晴與關楓馨等藝人負責創作劇本。另外，他又大碌盡「人情卡」，請來兩大「愛人」李佳芯與胡定欣演唱，他笑說：「兩大視后，真係好難請到，碌人情卡請佢哋唱歌，佢哋都唱得嘅，個演出都好特別。」問到會否請「魔音」始祖李佳芯先試音？他笑說：「我自己都係魔音，唔敢話人哋，對佢有信心。」

ching2506

TVB港台有計劃再搞頒獎禮 JW默認去男友家拜年：唔會放棄豆利是機會
2023-01-21 18:20

TVB總經理（節目內容營運）曾志偉今晚年三十晚（21日）將率領一眾藝員如出爐視后江美儀、郭柏妍、蕭正楠、高海寧、JW王灝兒（JW）及吳業坤等，在澳門舉行賀年特備直播節目《獎門人開心迎兔年百老匯》，節目將在今晚11時播出。今是TVB自疫情後首度出埠做騷，亦是《開心無敵奬門人》首次移師到澳門拍攝。

曾志偉下午率一班藝員出席拜神儀式，他表示有3年沒有到澳門，更指自己20多年也沒有間斷做倒數騷，可惜因疫情中斷，故今次能能再跟大家一起倒數覺得很高興，他又透露昨日除忙綵排外，亦與相關部門開會傾談來年合作計劃。提到有傳TVB與港台意見不合，故不再合辦《香港金曲頒獎典禮》，曾志偉表示雙方其實早有協議，並表示因今年是港台的週年紀念，所以想搞一個有代表性的港台頒獎禮：「我哋亦都有個新計劃去籌備未來另一個頒獎典禮，所以我哋上年已經有協議各自舉辦頒獎禮，但亦會互相配。」

去年憑《下流上車族》人氣急升的郭柏妍和羅毓儀，首次跟隨TVB出埠表示很開心，郭柏妍更表示已忘記如何用身份證過關，而羅毓儀則笑指雖然只來兩天，但為了體驗旅行執篋，所以帶了很多東西：「其實我真係冇嘢需要帶，所以特登諗我要帶風筒、帶多幾件衫、外套，執到個篋滿晒。最有用係風筒，因為酒店嘅風筒通常都唔夠風，自己嗰個就吹到好似打風咁！」郭柏妍亦笑言：「我仲衰，（逗留）24個鐘都不夠，但我真係執咗一個篋嘅嘢，越執越多，嚟一日帶幾條褲。」

對於今晚要參與《奬門人》，兩人表示對辣辣壽司環節最有信心，至於羅毓儀又透露今晚將為節目籌備了特別環節：「會有一個全新女子組合出道，會令大家熱血沸騰，至於係同邊個出道，大家再要睇電視。」提到新年願望，羅毓儀表示希望自己在演藝事業上有大幅進步，而郭柏妍則期望新一年大家也開開心心及身體健康，新劇《奪命提示》可以繼續順利拍攝。

同場的JW及吳業坤亦表示能到外地參與倒數騷覺得很高興，已3年沒有出境的JW笑言雖然不是坐飛機，但已經好開心。同屬星夢娛樂的吳業坤表示昨晚已JW食團年飯，由於他們在今年亦會推出新歌及有意舉辦演唱會，故席間兩人亦有傾談末來大計。問到JW新年是否會去男友屋企拜年？她默認說：「我唔會放過任何豆利是機會。」之後她亦即場向吳業坤豆利是，不過對方就指今年利是會注重利是封多個銀碼：「雖然錢不多，希望大家收到都開心。」而他又透露年初一至三將會休息陪家人，到了月底則會與太太一起到日本放假。

ching2506

日期： 19/2/2023 (日)
活動： TVB 賽馬日
嘉賓： 汪明荃、陳百祥、陳豪、譚俊彥、
          陳展鵬、江美儀、高海寧、黎諾懿、
          姚子羚、陳煒、吳若希、吳業坤、
          劉丹、樊亦敏、黃智賢、何廣沛、
          黃子恆、黃庭鋒、鄭衍峰、邵初、
          楊培琳、朱晨麗、高鈞賢、陳浚霆、
          吳偉豪、孔德賢、陳嘉慧、朱凱婷、
          許文軒、蕭秀香、吳大強、李佳、
          曹敏寶、涂家堯、周吉佩、顏志恒、
          林鉫徫、支嚳儀、羅啟豪、龍婷、
          林鈺洧、許子萱、梁超怡、邢慧敏、
          方駿暉、許濤、曾志偉、蕭世和。
時間： 13:00 - 18:00
地點： 沙田馬場

ching2506

(on.cc)
高海寧偷聽貼士落注　爆黎諾懿係大贏家！
02月19日(日) 15:28

藝人高海寧（高Ling）與陳煒（煒哥）今午（19日）現身馬場，出席「TVB賽馬日」。高Ling笑指到場後便不停「偷聽貼士」，又大爆有同事投注60元，即贏得2000餘元，問到她有否「搭單」，她扁嘴說：「我冇買呀，跟住咪搭30蚊，跟佢買第2場囉。」據悉「大贏家」乃黎諾懿！

煒哥笑言已交低1千元給「信得過嘅人」，希望有所斬獲。當談到橫財運，她說：「打死都話有。」高Ling接口：「我試過參加遊戲節目，要抽到91張銀紙，竟然畀我搞掂，結果贏咗91,000蚊獎金加獎品，嗰次真係好好運！同埋嗰次衣着同今日一樣，都係桃紅色，希望旺一旺佢。」煒哥說：「咁我都試過用100蚊亂畫三重彩，結果畀我贏咗幾千蚊。」

談到剛過去的情人節於社交平台放閃，大晒老公送花，煒哥冧爆表示：「冇其他禮物嘞，我就煮咗佢好鍾意食嘅嘢，花咗好多心機同時間，佢就淨係花錢啫。嗰朝佢突然間問我有冇見到彩虹，我話冇，點知晏晝就收花。」高Ling接口：「我都收到花喎，事關嗰日我去咗花店買花，所有花都紮好晒，我想買單枝，女店員好好，送咗束畀我，叫我多啲幫襯就得。（快啲搵番個人送啦。）要睇緣分，我都好努力㗎嘞。」

ching2506

(on.cc)
江美儀認與前夫關係好　一講復合即落閘：想歎吓新嘢
02月19日(日) 15:40

視后江美儀今日（19日）出席《TVB賽馬日》，她表示會湊熱鬧小賭一下，講到工作近況，她透露下月會跟視帝陳山聰一齊拍攝政府宣傳片廣告：「我同佢講，我為咗同佢合作，今次大酬賓。」此外，美儀還應不少慈善團體及學校邀請參與活動及講座。問到無綫有否邀她傾簽約事宜？她坦言：「有傾，但未坐低傾，我都要諗吓我經理人。（定係簽邵氏？）真係未坐低傾，我要聽我經理人話，我同佢咁多年，唔可以放低佢。」

另外，美儀早前為有份演出的電影《易經風雲錄》包場，其前夫吳君祥及前奶奶冬嬸亦是座上客，她稱跟前夫關係向來好：「大家仲係朋友。（有冇機會復合？）雖然關係好，但我都想嘆吓新嘢，師傅話我60日內有桃花，否則就要等到11月，所以復合唔諗，大家唔好抹煞我嘅機會。（冬嬸有冇講啲乜？）冇特別，人要向前看。（前夫有冇咩表示？）冇表示，都係做朋友囉！」

ching2506

(on.cc)
陳豪義賣咖啡打氣　找數與陳茵媺旅行過二人世界
02月19日(日) 16:02

無綫相隔22年，再次舉辦「TVB賽馬日」，旗下數十藝人盛裝出席，當中包括陳豪、汪明荃、譚俊彥（Shaun）、陳展鵬、陳煒等，場面熱鬧。陳豪與譚俊彥兩型男，對於入馬場參與公司的盛事感到高興，陳豪更「出錢又出力」：「因為我有個咖啡檔喺度義賣，自己同啲同事主力沖咖啡，搵得獎咖啡沖畀大家飲，貢獻一下啦，所以未必有時間落注同留意賽事。」Shaun笑言忙於偷聽貼士：「我第1次嚟，本身唔識賭馬，亦都冇乜賭運，但喺看台見到啲馬匹奔馳覺得好震撼。（今日預算咗幾多賭本? ）冇計喎。」

Shaun指今次與陳豪合作拍攝「TVB賽馬日」宣傳短片：「成日都話想合作，今次當係熱身。為將來合作拍劇做準備。（想合作拍乜片種？）喜劇，阿Mo是搞笑能手，同佢一齊拍應該好好玩。」Mo即接口：「原先我哋將會合作拍劇，但依家一切推遲咗，可能要到6月先開鏡。（計劃再同太太陳茵媺去旅行？）會呀，今次過二人世界，係我對太太嘅承諾，同保持夫妻間關係。（計劃去邊？）遲啲你哋（指記者）咪知囉。」Shaun聞言即接口：「陳豪成日都有驚喜，我驚我老婆今晚有投訴呀！」

另外，Shaun又透露下月會先夥拍佘詩曼拍劇：「過年嘅時候，我哋喺幕後人戚其義屋企聚會，大家有傾過。（你哋有感情線？）依家咁多保密協議，唔知講唔講得喎，但我主要係同佢嘅對手戲，希望能夠擦出新火花。」