《破毒強人》拍攝跟蹤

lily123

(on.cc)
女神玩「變髮」　張曦雯不捨剪短髮失控爆喊
12月19日(日)
15:37更新
13:02建立

無綫花旦女神張曦雯（Kelly）出道以來一直保持住一把長長秀髮，但近日佢突然「變髮」，剪走留有多年嘅長髮，換成短髮Look！佢喺社交網大晒剪髮時嘅片段，見髮型師為佢一刀切，頭髮短至及頸，長髮更散落地面，期間Kelly對於長髮被剪大感不捨，一度忍唔住落淚，要掩面及用紙巾抹淚，令佢勁尷尬，邊喊邊笑，場面搞笑。不過佢就未有公開新髮型嘅最終成品，令唔少網友都直呼期待。

張曦雯接受東網訪問時，表示為了《破毒強人》而將頭髮剪短，因為從來未試過，所以大感不捨，短到好似冇頭髮咁，似男仔頭，但因為好鍾意個角色，所以剪得有價值。

ching2506

22/12/2021 開拍

lily123

(on.cc)
疫境搵銀工作叫停！胡定欣拍劇冇得戴罩擔心中招
01月06日(四) 17:02

(節錄)
胡定欣最近為無綫新劇《破毒強人》開工，在面對新一輪疫情下，她說：「晚上6點之後冇堂食，依家又好似回復番1年前咁，睇報道都覺得要控制嘅，大家都要小心啲，未知劇組有咩措施，睇到隔咁遠都中招，我哋拍劇好多時都戴唔到口罩，開工都有啲擔心。」

lily123

(on.cc)
蕭正楠內地趕返港拍劇慘失7位數：好多直播被取消
01月07日(五) 21:01

藝人蕭正楠（阿蕭）剛拍畢內地劇集《無相之城》，本來有不少商演、直播拍攝的工作，但他因之前已接拍了監製羅永賢的無綫新劇《破毒強人》，故日前已速返香港埋班拍攝中，慘失7位數字酬勞。阿蕭接受東網訪時說：「好多直播都被迫取消。（好肉痛？）冇辦法啦！Marco（監製）叫到真係冇所謂，公司叫到都要返嚟！」

lily123

(on.cc)
終於等到反派角色　馬貫東做賤格男一改戲路
01月09日(日) 13:05

(節錄)
而最近拍攝新劇《破毒強人》的他角色上再有新突破，他說：「可能之前做《愛回家》太耐，暖男形象太過深刻，所以一直冇人搵我做反派，今次係入行15年以嚟第一次做大反派，要睇多啲片學吓古惑仔嘅氣勢，角色陰險、暴力，但又有智慧。做反派好好玩，戲劇最開心就係做平時唔會做嘅嘢。」

lily123

(HK01)
蕭正楠放棄7位數酬勞急返港　孖陳豪拍《破毒強人》陣容超豪華
撰文：黃欣華
出版：2022-01-11 20:15
更新：2022-01-11 20:15

蕭正楠自去年7月底返到內地隔離拍攝內地網劇《無相之城》，雖然他與黃智賢在劇中淪為陪襯，但亦趁機登台和直播帶貨，賺到盆滿缽滿！不過，他日前就極速回港拍攝新劇《破毒強人》，痛失7位數酬勞！

蕭正楠接受媒體訪問時更直認好多直播都被迫取消，不過既然監製叫到冇所謂，非常大方！《破毒強人》電視劇的製作陣容堪稱豪華，由陳豪、胡定欣、蕭正楠、張曦雯、何廣沛、張寶兒、曹永廉等主演，該劇亦是監製羅永賢打造強人三部曲的最後一部，之前已有目前已經完成了《律政強人》、《白色強人》和《白色強人II》。而《破毒強人》中有警方高層被毒販脅迫，出賣情報給毒販的情節，從而引起警方內鬥，令人期待！

劇集講述了陳豪飾演的香港大毒梟文華掌控了全香港半數以上的交易，毒品調查科為了打擊文華這個頭號大毒梟，安排由蕭正楠飾演的葉浩天到文華身邊做臥底，葉浩華取得了文華的信任，在關鍵時刻出賣了文華，文華被捕並被判入獄。經歷了臥底生涯的葉浩天失去了情感、恐懼、同情，甚至對由張曦雯飾演的女友丁若寧也失去了愛的感覺。葉浩天成為了同僚眼中的怪咖，終日忙於失蹤人口的調查工作。12年後，文華接受張寶兒飾演的記者林可兒採訪時，對過往的罪行後悔不已，並被證實患上了肺癌晚期，警方基於人道主義考慮，准許文華假釋。文華一出獄，就發生了一宗殺警案，警方懷疑是文華所為，但沒有證據，丁若寧建議讓了解文華的葉浩天重回毒品調查科。

lily123

(on.cc)
胡定欣長髮新Look曝光！逆齡10年似足G.E.M.
01月22日(六)
15:49更新
13:01建立

視后胡定欣近日與視帝陳豪再續前緣，合作新劇《破毒強人》，現正為劇集開工嘅定欣呢日就喺社交網率先公開新劇造型，見近年多以短髮示人嘅佢，今次一改髮型，駁成波浪長髮，佢表示：「久違了的長髮LOOK，你們就是喜歡這個我嗎？破毒強人，章琳，20歲還可以嗎，誰愛長髮的我請舉手。」換上長髮嘅佢即時「逆齡」，少女味十足，有網民甚至指驟眼睇以為佢係薛凱琪（Fiona）以及細10歲嘅「宇宙巨肺」鄧紫棋（G.E.M.）！

ching2506

ching2506

Matthew何廣沛VM :
Listen. Silent.
#破毒强人#
#徐安乐#

ching2506

(東周刊)
2022 年 01 月 22 日
角色破格 張寶兒押後生仔

憑參選一六年港姐入行的張寶兒，前年跟袁偉豪結婚，一直是家庭和事業兩兼顧。早前，她在無綫劇集《星空下的仁醫》開始嶄露頭角，隨即獲新劇《破毒強人》監製羅永賢看中，並安排她演繹一個破格角色。

日前，在寒風驟雨下，張寶兒和蕭正楠在油麻地拍攝外景，她全程頂硬上，毫無怨言。好角色難求，她自言工作行先，暫時擱置「造人」大計，免得為《破》劇製造麻煩。

天氣不穩
早前，張寶兒在好評如潮的無綫劇集《星空下的仁醫》中，獲讚演出不俗，因而被監製羅永賢留意，故找她參演新劇《破毒強人》再作挑戰。劇中飾演時事主播的她，不但由壞人演到變好人，更會貫穿兩位男主角陳豪及蕭正楠之間。

日前，本刊直擊到，張寶兒和蕭正楠在西九龍政府合署對出拍攝外景。當日的劇情講述，時事記者張寶兒，在採訪大毒梟陳豪前，先專誠找毒品調查科警員蕭正楠攞料。可惜，當日天氣驟寒驟雨，她不時要硬食西北風，吹到頭髮散亂；而蕭正楠亦在停機後不斷用紙巾「呻鼻涕」。雖然現場環境不似預期，但二人都堅持到底，表現專業。其後，劇組轉位到大門外拍攝，張寶兒即急趕換戲服；接着，她和蕭正楠聽畢導演指示後，便火速埋位；可是，雨一直下不停，他們惟有跳拍，改為先拍室內的戲份。