萬千星輝頒獎典禮 (2021)

ching2506

(續)
藝人麥美恩憑劇集《智能愛人》入圍台慶頒奬禮「最佳女配角」5強，她開心表示﹕「呢兩年我匿埋拍劇，依家最終對屋企人有個好交代啦！（有冇信心得奬？）平常心啦，其他4位實力都好強，個個都有條件做女一，今次入圍我覺得對自己即將推出嘅新劇《愛上我的衰神》有正面影響，好開心能夠繼續以演員身份，有新作品畀大家欣賞，希望大家多多支持。」

黃子恆則憑《拳王》入圍「最佳男配角」五強，他說：「多謝監製同編劇創作團隊，畀咗個同過往不一樣嘅角色畀我，今次角色好自然及隨性，得奬與否我都要多謝所有支持嘅觀眾。我特別多謝讚過我，話喜歡呢個角色嘅所有公司同事，因為係業內人仕，佢哋嘅正評係好大嘅鼓勵。而同時入圍嘅朱敏瀚同張穎康，全部係係優質演員，我都要好好努力增值自己，當然希望可以得奬，嚟緊都想喺角色類型上再有發揮嘅空間。」

ching2506

(on.cc)
張振朗揮低黎耀祥殺入視帝5強：佢教曉咗我好多嘢！
12月20日(一) 19:07

藝人張振朗今日（20日）出席台慶頒奬禮記者會，他憑着劇集《拳王》強勢進身視帝5強之列，他坦言有信心，但都抱住平常心：「自己入行都10年，首次入到5強係開心嘅，但今次對手都相當強勁。」說到他打倒同劇的黎耀祥，他謂：「唔關我事嘅，都係多謝觀眾投票，都要多謝黎耀祥，一路拍時佢教曉咗我好多嘢。」說到《拳王》不入「最佳劇集」5強，他坦言有點可惜。而女主角方面，振朗會揀鍾嘉欣，又指多年前自己有份拍《大藥坊》，飾演執藥員，見到鍾嘉欣望住自己的眼神好NICE、好和藹可親，印象很深刻。而黎耀祥最終視帝5強不入，問他會否感失望時，他說：「失望又唔會失望，大家都係咁有實力嘅，我睇好張振朗同譚俊彥，佢兩個機會都好大，希望佢兩個有好成績啦！」

姚子羚獲讚演技有進步
姚子羚有份憑劇集《拳王》打入「視后」5強，她坦言開心可與鍾嘉欣一齊入圍，坦言多年前大家一起拍金石良緣》，現時大家都用劇中角色名稱呼大家，能夠同台競逐已很開心，希望鍾嘉欣當晚都能出席。子羚坦言對自己有信心，但如果要選擇，她都會選鍾嘉欣。期間，薛家燕於台上大讚子羚演技進步不少，她坦言多謝家燕姐，又指明年是自己入行20年，最開心聽到啲同行同幕後同事稱讚自己。

說到視帝方面，她指看好同劇的張振朗，「女配角」方面，她就力撐陳自瑤，指今年是對方豐收的一年，之前與對方合作拍《大步走》時，都看見她進步不少。

胡鴻鈞獲3項提名
歌手胡鴻鈞亦獲3項提名包括「最受歡迎電視歌曲」、「飛躍進步男藝員」及「最受歡迎電視男角色」打入最後5強的他，是男藝人之中最多的一位。他受訪時坦言今年有點慚愧：「今年我只係得一套劇上，所以有提名已覺得攞咗！歌曲方面我睇好聲夢學員，『男角色』方面我睇周嘉洛，因為佢好有獨突之處。」說到視帝不入5強，他笑言：「入到先驚呀！我都係嚟陪跑啫！我睇好張振朗，佢花一年時間操肌，好佩服佢！（思貝今年冇提名？）因為佢今年冇劇嘛！（你都好留意佢喎？）我唔留意佢就假啦！」

而周嘉洛憑《愛‧回家之開心速遞》「金城安」一角與「媽咪」滕麗名一樣打入「最受歡迎電視男、女角色」，嘉洛事後受訪說：「我頭先喺現場聽到媽咪有份好興奮，聽到自己個名時就好愕然，多謝投票嘅觀眾，好驚訝，受寵若驚嗰個驚！」

ching2506

(晴報)
萬千星輝頒獎典禮2021︳「萬朱沙華」姚嘉妮爭女配被out 未感失望：好明白遊戲規則
2021/12/20

(節錄)
不過貴為台慶劇的《十月初五的月光》，竟然冇份入圍以上四大獎項，而近期人氣急升的「萬朱莎華」姚嘉妮只能成為最佳女配角的十強，未能再晉級成為五強，部分網民在無綫官網留言替她不值，「好失望無姚嘉妮份」、「姚嘉妮做得好，但無入圍5強」、「成套十月初五都係睇萬朱沙華，竟然無份」、「有冇搞錯，冇萬朱沙華」、「唔係掛，冇萬朱沙華」及「點解無姚嘉妮」等。

對於網民的支持，姚嘉妮今日接受《晴報》訪問時表示：「啱啱知道五強名單，又唔會失望，因為知道自己唔會贏，好早已經感覺到入五強係無可能，都係志在參與。而家不斷收到好多觀眾同粉絲訊息，有佢哋支持已經好開心，反而係我要安慰番佢哋，不過唔緊要，好明白遊戲規則。（至少入到五強？）開頭係以為入到，而家咁多迴響真係好開心，朋友會戥我唔抵，呢樣已經夠晒，大家又驚我會唔開心，總之都係多謝大家嘅鼓勵，當然有獎就開心，無就繼續努力。（睇好五強哪一位？）姜麗文，佢喺《愛回家》真係演得好好，睇到好好笑。」姚嘉妮強調最重要是得到觀眾支持，自己近日出街獲不少市民大讚及要求合照，感覺這些支持是無價。

此外，鍾嘉欣今次憑《星空下的仁醫》角逐視后，加上特登返港出席頒獎禮，令外界認為她是志在必得。鍾嘉欣透過短訊回覆傳媒：「好開心，好開心，入到五強，真係好多謝大家嘅支持，獎項就隨緣，好期待當晚結局，好刺激！」

lily123

(on.cc)
馬國明唔諗再攞視帝　寧願中六合彩發5千萬橫財夢
12月22日(三) 21:21

(節錄)
馬國明入圍無綫台慶頒獎禮「視帝」最後5強，問到可有信心再攞獎？他笑說：「隨緣啦，我都唔知道點解入到5強，為因今年大家都好平均，睇吓邊個幸運啲。自己會睇好譚俊彥，雖然冇睇佢嘅《換命真相》，但係有睇佢嘅《 十八年後的終極告白》，佢演技齊晒，爭在時機，佢又同《魷魚遊戲》主角撞樣，連人氣都有，今年就係時機。（唔想再攞視帝？）隨緣，情願將啲運氣放喺中六合彩度，我好知足，5,000萬就夠，中咗即刻唔拍劇住，放個長假。（唔係第一時間娶湯洛雯？）中咗再去諗點搞婚禮，希望有呢個幸運畀我啦。」

ching2506

(on.cc)
大熱視帝后發功︱譚俊彥加「魷」造勢　林夏薇「開壇」拉票
12月24日(五) 00:01

《萬千星輝頒獎典禮2021》將於下月2日舉行，分別成為視帝及視后大熱的譚俊彥與林夏薇均首度打入最後5強，隨住頒獎禮日子逼近，被睇高一線的他們當然不容有失，日前兵分兩路「出巡」拉票，前者到街市「出口術」，獲檔主及街坊「送票」，薇薇則到旗下點心店「開壇」，一個華麗轉身便獲粉絲無限支持， 紛紛表示已投她一票，認真有計！

今年對譚俊彥（Shaun）來說絕對是豐收年，有幾套劇集出街，更踩過界於煮食節目大顯身手，於孭飛劇集《換命真相》播出時，適逢與熱爆全城的韓劇《魷魚遊戲》主角「456」李政宰撞樣，韓星光環「助攻」下，人氣隨即暴升，結果憑《換》劇輕鬆入圍今屆頒獎禮，還起雙飛打入「最佳男主角」及「最受歡迎電視男角色」最後5強，當中視帝獎項對手全是勁敵，但Shaun仍被視為大熱人選。入行21年的他有感今年與獎項最接近，故不敢怠慢，趁頒獎禮轉入直路之時，把握機會進行拉票。

向來與太太有影皆雙的Shaun，日前中午時分被發現拖住太太接大女放學，當女兒蹦蹦跳落車時，他即化身「阿四」為女兒孭書包，女兒更變身樹熊寶寶跳上他身上。一行三人到達住所街口，他便把女兒交由太太帶上樓，接着便揸車單拖到街市買餸。

甫到街市，Shaun即一支箭走到鮮魚檔，身為「廚神」的他熟練地徒手於魚缸揀魚，接着又走去揀魷魚，見他逐隻魷魚拎起檢查新鮮度，老闆也不停與他吹水，之後Shaun又走去買三文魚、蔬菜及生果等。雖然行色匆匆兼戴上口罩，但仍被市民認出，Shaun也有與他們打招呼及閒聊，有市民更表示已投他一票，Shaun即逐一感謝，並表示會盡力加油。本報昨日致電給Shaun，他笑說：「平時我都會去呢個街市買餸，啲街坊同店主見慣見熟，佢哋都有同我講有投我一票，我已經好開心。」

林夏薇今年兩套主演劇集《七公主》及《逆天奇案》均口碑不俗，分別打入「最佳女主角」及「最受歡迎電視女角色」5強，當中《七》劇更是背部全裸，乃從演以來尺度最大挑戰，該幕播出時更衝擊網民視覺，再加上角色情緒起伏大，演技漸趨成熟，被喻為爭視后的大熱之作。

忙於拍攝新劇《法言人》的她日前現身深水埗開工，趁放飯時間到旗下點心店巡舖，期間被粉絲捕獲，該粉絲更興奮得秒速開手機直播，與身在外地的粉絲朋友一睹偶像真身，薇薇也相當識做，頓時轉普通話Tone與外地粉絲談近況，粉絲們紛紛表示已投票，氹得伊人開心不已。

爭獎「未識緊張住」
與外地粉絲閒聊完，薇薇便與在場粉絲簽名兼合照，其他街坊食客見狀也紛紛加入，令現場頓時變成粉絲聚會般，後來連店舖職員也怕醜地上前詢問可否與老闆娘合照，薇薇也照單全收，盡顯親民一面。開完小型簽名會，薇薇與職員了解過店舖進度後，才與助手坐低歎一盅兩件，歎足半個鐘才離開。

薇薇昨日（22日）受訪時笑指並非專程到場拉票，她說：「啲粉絲好錫我嘅，唔使我講佢哋都已經投咗票，好多謝佢哋，其實平日我會去吓啲舖頭，粉絲好多時去撞我，仲會擺低禮物。（依家心情緊張未？）好在呢排全神貫注開緊劇，冇咩時間畀我分到心，所以未識緊張住。」

ching2506

林正峰，宋宛穎，游嘉欣，郭柏妍，焦浩軒，羅毓儀

ching2506

(on.cc)
打入飛躍6強︱丁子朗平常心面對　黃庭鋒：今年賺咗
12月23日(四) 14:02

藝人黃庭鋒與丁子朗都雙雙向劇集及綜藝節目主持發展，成績相當不俗，而他們日前更順利晉身無綫台慶頒獎禮「飛躍進步男藝員」6強之列，由於有候選者同分，故有6人齊齊競逐此獎，除了庭鋒與子朗外，還有羅天宇、林正峰、胡鴻鈞及馬貫東。

黃庭鋒今年首次以男主角身份拍攝劇集《OPM》，之前更有份擔任港姐司儀及綜藝節目主持，他接受東網訪問時謂：「今年競爭好激烈，我連10強都冇諗過，依家可以進入6強真係好開心。」庭鋒指現時跟丁子朗齊齊為劇集《法證先鋒V》拍攝中，更看好對方及馬貫東，他謂：「丁子朗各方面發展都好平均，而馬貫東演技及戲劇方面相當出色，我今年都係綜藝較多，當中《把關者們》潘浩洋喺火災入面死嗰場戲有好多網民都好感動，自己都估唔到有咁大迴響，有呢個角色我已經滿足，今年賺咗㗎喇！」

而丁子朗表示能夠殺入6強很開心，他更謂：「我都係平常心啦！但係比起入圍，《青春不要臉》就嚟出（1月17日）我就更加興奮，呢套劇算係自己首次擔正，我有偷睇片頭，真係好好睇，好青春同熱血，同戴祖儀嘅感情戲都好Sweet，我哋都擺咗好多心機落去，希望觀眾都會感受到。」

ching2506

【万千星辉颁奖典礼2021】
《万千星辉颁奖典礼2021》最后五强入围名单出炉

lily123

日期： 28/12/2021
活動： 《萬千星輝頒獎典禮2021》最後5強會見傳媒
嘉賓： 林正峰、羅天宇、游嘉欣。
時間： 15:00
地點： 將軍澳創新園駿才街77號電視廣播城工場大樓三樓Skywing

ching2506

(on.cc)
爭男配角︱黃子恆博盡操爆　拍跑步戲即時見暈
12月25日(六) 18:02

藝人黃子恆於無綫劇《拳王》中飾演熱血拳手葉迎風，角色十分討好，亦令他成為《萬千星輝頒獎典禮2021》最佳男配角五強之一，問到可有信心勝出？子恆貫徹劇中瀟灑作風謂：「入到五強好感恩，其實由開始接拍《拳王》已經好感恩，因為唔係自己做開嘅角色，挑戰同娛樂性都好大，我一路睇劇本一路覺得葉迎風呢個角色好好玩，亦係一個可遇不可求嘅好角色。我好開心好感恩一路好多觀眾朋友、同事同我講好鍾意睇到『葉迎風』，係好難得嘅。每個人都會想得獎，但我更加開心係可以做到『葉迎風』呢個角色。」

昨晚（24號）的一集，子恆於劇中做了很多訓練，他亦指劇中的操練鏡頭，對他來說很有新鮮感：「會去平時唔會去嘅地方操練，例如喺觀塘嘅一條長樓梯度爬落嚟啦，練手腳、腹肌同Core啦，又會單腳跳上去，呢啲平時都唔會試，所以幾好玩。（最辛苦一次？）其實基本都唔算辛苦，因為我哋開拍前已Keep住操。反而好記得有一場係祥哥（黎耀祥）喺欣澳拉住我跑，嗰場戲我之前嗰晚只係瞓咗好少就要出外景，嗰日係即時頭暈，因為拍劇一嚟就要全力以赴嘛，演員心態都會想盡力做到最好，因為拍咗出嚟係一世。」