『青春本我』拍攝跟蹤

ching2506

(頭條日報)
直擊煞科戲現場 姚焯菲鍾柔美攰到瞓 炎明熹Keep住笑堅捱得
2021-11-25 00:30

本周日炎明熹（Gigi）抱病出席event時，喺台上腳軟跌倒爆喊，事後解釋因為感冒未清，加上之前一晚瞓得唔好，而非休息時間唔夠。由《聲夢傳奇》入行短短4個月嘅Gigi好受廣告客戶及「Gi炎粉」(fans暱稱)歡迎，面對海量工作已變身「小鐵人」。之前Gigi拍攝新劇《青春本我》煞科戲，由朝早5點開工，再趕場直踩去演出，拍劇鏡頭以外不時笑笑口，人仔細細經已相當專業，好捱得！

《聲夢傳奇》學員炎明熹及姚焯菲（Chantel）人氣爆燈，由佢哋主演嘅青春校園劇《青春本我》亦食住個勢，趕喺12月5日（周日）晚八點半啟播，TVB相當重視呢個劇，加入咗重量級藝人錢嘉樂和湯盈盈、陳煒、姜皓文等客串助陣。對炎明熹嚟講11月嘅時間表真係好緊迫，因為學校喺11月9日開始考試，同時間要為劇集埋尾，兼且要出席商演、為新歌造勢及做台慶……真係少啲耐力都唔得。

鍾柔美姚焯菲要「快叉」
本報記者之前深入校園外景場地，採訪炎明熹拍《青春本我》煞科戲，直擊呢位「小鐵人」耐力有幾犀利。當日所有飾演學生哥嘅演員要喺大禮堂大合跳，劇情講一班考緊試嘅學生哥「靈魂出竅」飛咗去舞會派對，齊齊狂歌熱舞。由於要爭取拍攝時間，提早到朝早五點開工，個個凌晨兩、三點就要起身做準備。當日人多手腳亂，跳舞鏡頭又要講求合拍性，同埋要拍唔同角度，見演員不停重覆，喺座位度起身然後再跳舞，足足拍咗幾粒鐘，真係拍得超辛苦，演員都拍到有啲攰，尤其14歲鍾柔美(Yumi)係睡寶寶，打燈期間坐著「中」眼瞓，最後瞓到伏喺枱面；至於姚焯菲就撓住雙手閉目小睡嚟個「快叉」。反觀Gigi精力充沛，仲坐到筆直留心等嗌Roll機，見她每跳完一次就呼出一口氣嚟鬆一鬆，然後整理好頭髮及衣服準備拍下個鏡頭，再攝時間猛練舞姿，而且全程都係笑笑口，好有行動力，見她拍咗幾小時都冇打過一個「喊路」，之後仲要趕場去表演，16歲女經已堅捱得，而且表現得好專業！

盡量休息Keep好精神
被讚表現專業，帶點童真嘅Gigi就話：「我都唔知點解會笑，我成日傻笑，可以唔使理我！不過我會盡量休息Keep好個精神，因為表演真係好重要，我好少跳舞，對我嚟講係有難度，要自己練得好熟，唔想做得太差。」不過，對她來說最難反而邊拍劇邊考試，她偷笑說：「好驚溫咗書變咗唔記得晒啲劇本，唔想劇本有甩漏搞到嘥大家時間，咁應該背邊樣先，點算好呢？通常要返到屋企先開始溫書，盡量分配好啲時間囉。」至於Chantel都力讚Gigi係個好堅強嘅人，唔會顯露好攰，好專業，而她會食糖嚟提神；Yumi就話會趁轉景嘅時候盡量搵位休息養吓神。

lily123

(on.cc)
周嘉洛「晒命」　JW恨飲陳豪咖啡
11月25日(四) 11:03

歌手JW（王灝兒）於無綫新劇《青春本我》中飾演輔導心理學家，劇中因有感情挫拆，會有很「頽」的一面，後來經校長及好友扶她一把，透過幫助學生來幫自己。日前她於學校取景拍攝，說到離開校園生活多年，會否都想穿校服回憶一番時，她謂：「我都有啲Flash Back戲係着校服嘅，其實我覺得應該搵我做埋學生，佢哋低班我高班。（有冇反叛時期？）我以前好活躍，好鍾意表現自己。一開始讀女校，之後讀男女校。（係咪男女校開心啲？）我鍾意女校多啲，因為我覺得女校回憶好多，可能之後入男、女校我唔慣，所以冇咁開心，好似全部女仔自在啲。」

JW又透露之後會投入錄新歌，問會否再拍劇，她即謂：「我想㗎！我估唔到我咁鍾意演戲。（有冇乜嘢想做？）我乜都想試，我鍾意演嘅過程，唔好要我揀死一樣，我要唱歌、拍劇都做。以前冇得拍劇，我就只可揀唱歌，依家有機會拍劇，就唔好要我揀死一樣。」期間，她又自己沖咖啡，更指周嘉洛現時跟陳豪開劇，向她大晒「陳豪咖啡」，令她羨慕非常：「我都好鍾意陳豪，好想試吓！」

ching2506

(星島)
青春本我｜炎明熹Chantel鍾柔美演閨密互相扶持
2021-11-26 17:00

集合一眾《聲夢傳奇》學員及《盛．舞者》參賽者的青春劇《青春本我》，將於下周日（12月5日）首播。內容講述一群看似無憂無慮的中學生，其實各自暗藏「不能說的煩惱」，包括人際關係、感情、學業、家庭及前途等問題；然後眾人如何在輔導心理專家汪善美Miss Wong（JW飾）的幫助下，勇敢面對及正面處理種種困難。炎明熹（Gigi）飾演的何芊芊，性格內向，因父母關係出現問題、以致情緒瀕臨爆發邊緣；姚焯菲（Chantel）飾演的陳婷，原本只是一名單純的漫畫控，後來卻因發生了一些事突然變成渴望戀愛的少女，因而陷入苦惱；鍾柔美（Yumi）飾演的葉敏兒，則因渴望做領袖以致面對校園欺凌！

三人除了各自努力克服困境，在劇中飾演閨密的她們亦會互相扶持，情節既勵志又感人。另外，詹天文（Windy）飾演的倪韻迪，一直渴望父母重視，但偏偏有一個各方面都近乎完美的萬人迷哥哥倪家迪（張馳豪Aska飾），令她飽受壓力！冼靖峰（Archie）飾演的葉亞馳，則要面對「怪獸家長」父親！由於劇中角色面對的問題，亦可能是年青觀眾正在面對的問題，本著協助觀眾共同渡過難關的《青春本我》，專誠請來輔導心理學家郭倩衡擔任劇集顧問，務求讓劇中的各個解決方案更符合專業層面。

雖然有這麼多同學要面對各自的問題，但主力想帶出正面信息的《青春本我》，當中亦有不少輕鬆及搞笑場面，而搞笑重任則落在林智樂（Felix）飾演的高富力，及林君蓮（蓮姐）飾演的李香蓮身上。分別飾演愛炫耀有錢仔的Felix及迷信神婆的蓮姐，在劇中將會連番鬥氣；在早前釋出的宣傳片段，二人笑言合作拍戲最難的地方是忍笑，蓮姐更一臉自豪謂：「我望住Felix個樣竟然冇笑過！」觀乎部分NG片段，Felix真的非常遴迍，拍攝一場簡單戲份，也可以因「書包纏腳不自知」慘吃NG，亦成功令在場所有聲夢成員笑爆肚！

據知為了令角色性格更突出，劇組為每個角色度身設計吉祥物，分別為耳機（Gigi）、漫畫書《靈魂伴侶》（Chantel）、色士風（Yumi）、潤唇膏（Archie）、水晶（蓮姐）、吉他（Aska）等，當中近乎貫穿劇中所有角色的吉祥物為「青春常豬」，則為Miss Wong的吉祥物。據知，這隻「青春常豬」不但造型可愛，更會是所有角色解開心結的重要關鍵！

ching2506

Chantel姚焯菲在劇中是一名樣子甜美的漫畫控


GIGI呢個耳機，係佢嘅吉祥物，而且仲有非常重要嘅作用


Yumi飾演嘅角色慘受欺凌，對於Yumi嚟講，都係一個幾大嘅挑戰

ching2506

Aska飾演萬人迷，佢嘅吉祥物係吉他


Felix齋睇造型，都知佢個角色主力係搞笑啦

ching2506

JW喺劇入面係靈魂人物


Gigi劇中角色嘅父母感情生變，令其情緒出現波動

ching2506

(明周娛樂)
【青春本我專訪】炎明熹與表哥練火星手勢 姚焯菲最難忘哭出真眼淚
撰文：冼麗宜
攝影：鍾漢平
  
由一眾聲夢學員及《盛舞者》一同主演的《青春本我》，將於下星期日播映，劇集由九月尾開拍，不需兩個月便完成，之後馬上安排出街，成為近年TVB製作速度最快的劇集，可見TVB對這部劇和這班新人的重視程度。劇集以校園故事為題，由李敏做編審及總導演，探班當日見劇組分開兩邊同時間拍攝，一邊拍Gigi（炎明熹）、Chantel（姚焯菲）及Yumi（鍾柔美）的校園生活，另一邊則拍張馳豪（Aska）和潘靜文的愛情故事。在劇中Gigi、Chantel及Yumi是好友，現實中三人感情亦非常好，可能因為這樣，所以拍攝時非常順暢，甚少NG，以新演員的表現來說，絕對收貸。第一次拍劇集的Chantel和Gigi也說剛開拍時也很擔心，不過已經適應，Chantel說：「記得一開始時，也很擔心會甩對白，每日回來化妝的時候，工作人員都會派一份稿給我們，之後就努力去看和背，化妝的時候看稿，已經變成我這兩個月的一個習慣，到現在差不多拍完，很期待出街之餘，還開始有些不捨得。」

Gigi也認同說，一開始覺得拍劇很難，甚至考慮過不想做。「因為覺得自己做得不好，但慢慢發現拍劇的日子，每一日都在吸收到一些，本身以為拍劇只是學到少少拍劇的技巧，但其實還學到其他，例如心態上，如何代入角色，之後就變得非常享受這個過程，加上工作人員的幫助，好似剛剛的一場戲，拍我在看書，之前拍的幾個鏡頭都沒有踢到旁邊的木箱，但剛剛經過時卻不小心踢到，累大家要從頭再來，難得大家都沒有怪我，更幫忙移開少少位置，令我可以做好些。」三人之中，以Yumi最有拍戲經驗，小時候已經在TVB做童星，拍過不少劇集，問她有沒有教教這兩位好姊妹做戲，她笑笑說：「沒有，大家一回來就投入角色，看劇本，不過有些羣戲，如果拍之前有時間就會一齊練。今次跟我以前拍的劇有很大分別，以前年紀小，通常做的角色都不是太重要，導演叫我做什麼就做，但今次這套劇是屬於我們《聲夢傳奇》和《盛舞者》全部人，每一個人都有一個小故事，我要了解整套《青春本我》的故事之餘，也要知道所有角色發生什麼事。」

因為三人都要上學，只能在星期六，日及放假日子參與拍攝，而每次拍攝基本上都是天未光就要開始，所以這兩個月三人都過辛苦，不過卻不介意，Chantel說：「是累的，但很好玩，得到很多經驗，還有拍劇令我很享受，因為不是做自己，是去演一個角色，可以嘗試另一個人的生活，我覺得好神奇。」探班當日，拍攝已接近尾聲，問Chantel最難忘是哪個場口？她說：「最印象深刻是其中一場喊戲，因為初時都很驚自己喊不出來，但我想試一下用自己的實力喊出來，當然導演也有說，如果喊不到，我們會有眼藥水幫助，我很不想，好好彩成功喊了，那場戲是望着一個公仔喊，很奇怪，我一望那個公仔就很想喊，其實我之前也拍了幾場喊戲，但都喊不出，要靠眼藥水，幸好最終都有一場是用自己不開心的感情，真眼淚喊出來。」

被稱為「火星女孩」的Gigi，在劇中經常做一個火星手勢，她笑言是導演安排，難得Gigi原來一早已訓練有素，隨時隨刻都可以做出來。「這個火星人手勢本身已經存在，劇入面因為大家都說我像火星人，導演就叫我做這個動作，劇本上也有明顯標明。多數做的時候都是羣戲，不會只有自己一個在做。我以前是做不到的，後來和表哥看了一套外國劇，當中有一個猜拳遊戲，有這個火星手勢，我和表哥一起玩，那時我是做不到，就夾硬將兩隻手指分開，日子有功後就成功做到，現在是右手做得比較容易，左手就少少困難。」

探班當日三人天未光就已經開工，導演安排了這一場躺在地上的戲，正好讓她們邊拍邊休息

ching2506

李敏亦不時在場即時教幾位小朋友做戲，三人也說這位總導演一點也不惡，反而是會很細心的幫忙她們




Aska、潘靜文、詹天文同步在同地點另一地方拍另一場口，因為這樣才能趕上十二月出街的進度

ching2506

(頭條日報)
錢嘉樂湯盈盈首度合演夫妻 Chantel忍唔到笑被封NG王
02/12/2021 09:00:00
   
集合一眾《聲夢傳奇》學員及《盛．舞者》參賽者的TVB青春劇《青春本我》，將於周日（5日）首播。在飾演父母角色中，楊證樺與沈可欣、錢嘉樂與湯盈盈均為真夫婦，盈盈樂樂更是首度在螢光幕前演夫妻。問到導演李敏二人為何願意獻出第一次時，她笑言：「其實我同嘉樂之前係街坊，依家都住得近，加上志同道合，所以佢一直好支持我呢個青春歌舞心理劇，佢係最早期聽Concept同Demo嘅人。」由於嘉樂以身手了得馳名，李敏一直有感劇中未有角色適合對方，苦無合作機會，直到鎖定找盈盈演出虎媽一角時，才想到可邀請嘉樂拍住上：「其實我之前完全唔知佢哋冇喺幕前一齊演出過，我哋知盈盈本身係好溫柔嘅人，搵佢做虎媽係因為覺得佢口齒伶俐，可以Handle到個角色，然後就順便叫埋嘉樂，嘉樂亦都好爽快就答應。」

另根據劇組最新發布劇照，除了林智樂（Felix），王祖藍與鄧梓峰的角色原來亦相當搞笑，祖藍更不時「搔首弄姿」晒萌樣！問到繼電影《給我一天》後再與祖藍合作感覺？李敏笑謂：「嗰次同佢合作真係好舒服同愉快，佢真係好勤力嘅演員，會坐埋一邊係咁讀劇本。再加上我睇過佢舞台劇演出，同埋感受到佢對Musical好喜愛，所以我一決定拍歌舞劇就覺得佢做校長會好有效果，佢亦好爽快答應。」

此外，早前TVB官方頻道推出《青春本我之最最最最最！》花絮片，一眾聲夢學員在片段中「互爆」大鑊，姚焯菲（Chantel）被封NG王，Felix雙「喜」臨門獲封遲到王及嘈吵王！Chantel得悉自己是眾成員心目中的NG王時，竟氣至跺腳，相當可愛！文凱婷（Aeren）事後笑指導致Chantel NG的幕後黑手是何晉樂（Rock）：「因為Chantel忍唔到笑，佢個角色成日同Rock一齊，但佢一望住阿Rock個樣就好想笑！」另眾人指炎明熹（Gigi）在劇中將會有一場讓人一看難忘的大爆Seed場口，不過當時人Gigi對此卻完全「狀況」之外，十分符合她的「無厘頭」本色。