『青春本我』拍攝跟蹤

ching2506

lily123

(on.cc)
姚焯菲羨慕炎明熹有處女歌　不停翻Loop乜都肯唱
09月25日(六) 18:03

節錄
有份拍劇的Chantel稱昨日已跟導演排練，但未正式入組：「其他學員明天拍攝，我就遲啲，因為我要返學。」

lily123

(on.cc)
姚焯菲自爆新劇角色：同自己冇乜分別！
09月27日(一) 17:01

憑無綫節目《聲夢傳奇》一夜爆紅嘅「國民初戀」姚焯菲（Chantel），日前（22日）15歲生日，獲粉絲「小菲象」出動巴士應援慶生，又孖住同樣9月生日嘅林智樂（Felix）齊齊搞生日派對，吸引大批粉絲到場支持，勢頭強勁。而兩位壽星仔、壽星女以及蔡愷穎（Lolita）亦有於社交網一同開直播，當中Chantel有別平日出鏡濃妝造型，素顏上陣，加上一頭天然微波浪嘅秀髮，自然得嚟相當清純，即時少女味爆棚，獲粉絲大讚：「好Pure好Ture」、「終於似返15歲」。

期間，佢哋又透露正準備拍攝劇集，Chantel更率先劇透各人角色：「其實我個角色同自己冇乜分別，大家都係，除咗火雞（孫漢霖）之外，我諗全部人都差唔多。」並表示背劇本方面好有難度。至於問到Chantel爆紅後重返校園有咩唔同，佢就指有唔少低年級嘅同學向佢拎簽名，而老師對佢嘅態度則同以前一樣。

ching2506

黎燕珊，黃奕斌

lily123

日期： 3/10/2021
活動： 《青春本我》拜神
嘉賓： 炎明熹、姚焯菲、詹天文、鍾柔美、
          文凱婷、潘靜文、林君蓮、蔡愷穎、
          林沚羿、張馳豪、冼靖峰、何晉樂、
          林智樂、孫漢霖、黃奕斌、劉展霆、
          李紹堅、林子超、陳苑澄、簡家麒、
          曾志偉、樂易玲、何麗全、彭幼芳、
          李敏、祁健聰、潘盈慧。
時間： 10:00
地點： 九龍塘達之路 10 號陳樹渠紀念中學

lily123

晴報
02-10-2021
《青春本我》正式開拍│ Yumi校服Look同男同學談情 黎燕珊演邊個學員嘅媽媽？

無綫歌唱比賽《聲夢傳奇》大受歡迎，無綫立即為15位學員簽約成為旗下藝人。高層曾志偉揚言要投放資源好好栽培他們，更為他們度身訂造開拍《青春本我》劇集，令不少粉絲都大感期待。近日《青春本我》正式開鏡拍攝，15位學員都乖乖染髮，配合劇本以校園為主題的「學生Look」，如林君蓮、林智樂、文凱婷、黃奕斌、蔡愷穎等都變成黑髮一族，即時變Young晒！

近日，多名學員都有出席公開活動或者開網上直播，不過對於劇中的角色都保持神秘，不肯透露半句。有網上流傳在街頭遇到鍾柔美拍戲的照片，見她穿上校服、長襪和白波鞋，跟一個疑似男同學有傾有講，莫非是情竇初開的小故事？雖然拍不清該男同學的容貌，不過今次《青春本我》開宗名義是為《聲夢傳奇》和《盛‧舞者》兩大選秀節目而設，該男同學的樣子似足《盛》中的劉展霆（Eden）。在網上資料所見，Eden的背景資料不多，不過就有提到他是「東興海鮮」的少東，非常有趣。

另一邊廂，黎燕珊在社交平台分享拍攝該劇的花絮照，見她跟黃奕斌（Hugo）合照，莫非是演他的媽媽？珊姐接受《晴報》電話訪問，她表示：「好開心呀！今次劇集算係大客串，公司力捧呢班人氣新人，想畀我哋班資深演員都支持一吓，畀我哋過戲癮，導演係上一次《法證先鋒IV》合作過嘅，今次邀請所以一口答應。」她表示由於《聲夢》和《盛‧舞者》人數眾多，一時都未完全認到所有人，不過她今次演Hugo的媽媽，所以特別關注到他，「我對佢印象好好，佢高大靚仔，拍攝期間我、導演等等都有帶佢入戲，佢好受教、好謙虛，絕對係好有條件入行。」

珊姐透露由於Hugo是北京演藝學院的學生，他快要趕回北京開學，所以先拍他們兩母子的戲份，「同佢哋拍戲真係被影響到，連自己都感覺後生埋，佢年紀其實仲細過我真實仔女，戲入面好緊張佢讀書要鬧佢。Hugo話見到我鬧佢都打冷陣，因為語氣真係好似佢阿媽，咁我就教佢當我係真阿媽去做，佢吸收得好快，而且過程中好有禮貌，抵讚！」珊姐對Hugo讚口不絕，她笑言短短幾場戲建立出不錯的母子感情，她說：「我加入TVB之後，真係多咗好多仔仔女女，不過最年輕嘅仔就係Hugo！」

ching2506

(on.cc)
聲夢學員殺入公仔箱　姚焯菲唔見影原來畀老師罰
10月02日(六) 11:02

15位「聲夢」學員成名後真係好忙，之前完成咗一連4場《聲．夢飛行First Live On Stage》演唱會，喺各自出歌嘅同時又要緊接投入拍劇《青春本我》。近日網上流傳佢哋一班學員準備開劇嘅花絮片，雖然只得短短7秒，但都可以目測到Archie、 Sherman 、Venus 、Aeren、 Gigi、 Rock、Kaitlyn同Hugo等，佢哋齊集室內等開工。又見到枱上就擺滿支裝水同一疊疊好似電話薄咁厚嘅劇本，個環境都幾凌亂，而坐喺度嘅Archie擘大個口嘅趣怪表情。好多網民就話好期待等睇呢齣劇，又話好想快啲睇到佢哋啲新劇造型。

喺7秒片唔見影嘅Chantel（姚焯菲）就喺另一個網上平台話自己晚上9時鐘都要趕做畫畫嘅功課，話因為老師覺得佢嘅畫作唔係咁好，所以要重做，啲粉絲都心痛佢15歲咁細個，演藝、讀書要兩邊兼顧真係好辛苦，叫佢好好保重身體，爭取時間休息。

lily123

(on.cc)
聲夢學員拍劇︱Yumi經驗豐富　Venus自認身體語言弱
10月03日(日) 00:02

由《聲夢傳奇》學員拍攝的新劇《青春本我》於九龍塘某學校秘密進行拍攝，
Yumi（鍾柔美）、Windy（詹天文）、Venus（林沚羿）、Lolita（蔡愷穎）及Sherman（潘靜文）等齊齊穿上校服演出，現場充滿青春氣息。

Yumi指細個時拍過類似的劇集，她說：「都唔係相隔多年，但我覺得係好唔同，因為呢套劇集屬於我哋聲夢，好似屬於我哋嘅古仔咁，但我覺得過往經驗都幫到我今次拍劇。」而身為學校劇社成員的Windy，指自己最沒有拍劇經驗，今次算是處女演出，所以覺得有困難地方：「譬如喊嘅情緒位，我覺得冇對白嘅內心戲係最難，嗰啲好難做出嚟，要觀眾去感受，我覺得今次係好好嘅嘗試、挑戰同經驗，多謝大家。」

同場的Sherman透露雖然是第5日開工，但仍有少少不習慣，她說：「因為對演戲係零認知，第一次拍攝多得導演嘅教導。」雖然她曾擔任兒童節目主持，但不覺得自己有着數：「其實係兩樣嘢嚟，兒童節目嗰邊要嘅Energy好大，但拍劇個Energy要調番低啲，初初接到個劇本做畀導演睇，佢都有減少我嘅Energy，因為我演得太High，但我個角色又唔係咁High。」談到現年23歲再着校服，她開心表示：「首先我都好多年冇着校服，着番校服感覺青春咗，加上其他演員好後生好細個，令我多咗一班中學同學咁樣。」又稱多得之前排練得多，所以到正式埋位時，NG次數亦不多。

Lolita坦言接劇本時感到驚慌，擔心自己的演技：「後來同導演傾，佢叫我做番自己，用番本身個性格去做，演嘅時候導演都收貨。」又指剛入讀大學，脫離校服只有幾個月，再着校服都感覺良好。

lily123

(on.cc)
處女下海拍劇︱炎明熹有親熱戲？姚焯菲做番自己
10月03日(日) 12:51

「聲夢學員」炎明熹（Gigi）與姚焯菲（Chantel）以學生裝上陣出席無綫青春歌舞劇《青春本我》拜神，除了一班主演的聲夢學員外，高層樂易玲、曾志偉及何禮全等也有到場支持，現場更宣布Gigi首隻新歌《真話的清高》成為熱唱榜冠軍。Gigi透露大家在劇中飾演有心理問題的學生，問到首次拍劇的心情，她說：「非常緊張。（經常NG？）暫時拍咗少少，我只係開咗一日工。（有冇喊戲？）好似有。（驚唔驚喊唔出？）少少緊張，應該可以，因為導演會幫我。」

問到有否感情線，她講笑謂可能她跟Chantel有，至於親熱戲，她大賣關子表示有可能，叫大家留意，不過Chantel則稱因為2人年紀尚輕，所以不會有這些情節，並表示：「編劇知道我哋第一次拍劇，冇畀好難嘅角色，都係做番自己性格，唔需要扮。」提到她近日在社交網提到要重做功課，她解釋：「唔係重做，嗰個係好耐之前，新功課係視藝老師畀，我好驚『肥佬』，因為我畫畫唔叻。（會唔會好難兼顧學業同拍劇？）唔會，我一有時間就做晒功課先。（咁你做晒功課未？）做晒喇！」

至於覺得拍劇難還是唱歌難？她指今日才是首日開工，因為從未拍過劇，所以相比起覺得唱歌較易。Gigi自言唱歌多，拍劇少，要慢慢進步，對於鄭裕玲讚她「轉數快」，她笑言：「竟然？好多謝佢，佢好好人，當日好照顧我。」講到她跟韓劇《魷魚遊戲》中的「木頭人」撞樣，她說：「應該係蔭同眼睛似。（個木頭人紮孖辮，你有冇試過？）我冇試過出街紮孖辮，返學都好少人講我似。（咁有冇人話你似卡通片《櫻桃小丸子》入面嘅野口同學？）我諗都係因為個髮型。」

lily123

(on.cc)
Yumi拍劇被爆狂NG　冼靖峰唔識就機位
10月03日(日) 14:02

「聲夢學員」冼靖峰（Archie）及鍾柔美（Yumi）今日出席新劇《青春本我》拜神，2人在劇中均飾演學生，剛開始受訪時，Archie已笑笑說：「你講下你尋日NG咗幾次！」暗示Yumi狂NG，曾做過童星、有演出經驗的她即時解釋：「我哋都係啱啱開始拍，一開始唔係好慣啲環境，係有啲NG，習慣咗就好啲。（NG咗幾次？）我無數，因為我太專注喇。」

Archie笑謂有幫她數，但隨即為對方打圓場：「佢嗰場戲好難演，因為係情緒戲，而且好多人喺現場，有人錯少少就要重拍。我哋有好多群戲，因為冇拍劇經驗，有時踏前咗會遮咗其他人。（你NG多唔多？）我哋呢啲少對白，所以好難NG好多。」他指導演設計角色時，有些角色跟本人性格差不多，但有些卻是完全顛倒。問到拍劇最吃力是哪方面？他說：「唔同人有唔同吃力嘅地方，我就係講嘢會踏前一步，唔就機位，拍戲唔係純粹望住對手講對白咁簡單。（會唔會唔習慣着校服？）唔會，我都係4、5年冇着校服啫！」Yumi就讚劇中的校服很靚。