『青春本我』拍攝跟蹤

lily123

劇名:青春本我
總導演: 李敏
編審: 李敏

演員: 聲夢傳奇+盛舞者參賽者

拍攝時間: 26/09/2021 -
拜神日期: 03/10/2021

日期： 3/10/2021 (日)
活動： 《青春本我》拜神
嘉賓： 炎明熹、姚焯菲、詹天文、鍾柔美、
          文凱婷、潘靜文、林君蓮、蔡愷穎、
          林沚羿、張馳豪、冼靖峰、何晉樂、
          林智樂、孫漢霖、黃奕斌、劉展霆、
          李紹堅、林子超、陳苑澄、簡家麒、
          曾志偉、樂易玲、何麗全、彭幼芳、
          李敏、祁健聰、潘盈慧。
時間： 10:00
地點： 九龍塘達之路 10 號陳樹渠紀念中學

lily123

(HK01)
聲夢傳奇｜曾志偉讚炎明熹似梅艷芳 爆為學員籌備劇集8月底開拍
撰文：
劉傳謙
出版：2021-07-20 00:33
更新：2021-07-20 00:56

(節錄)
被問到比賽後《聲夢》學員的發展方向，志偉率先透露，現正籌備一套以追夢為主題的劇集《青春的我》，屆時除了15位學員全體參演外，部份《盛舞者》的參賽者都會參與，目標在8月底開拍：「我要等佢哋做埋演唱會先，佢哋休息幾日之後就要再練歌，準備演唱會，等佢哋演唱會完咗先啦。劇本都已經寫緊。（仲會有咩演員？）主要都係佢哋，可能再加埋某啲導師。」

ching2506

(on.cc)
聲夢傳奇︱揮低姚焯菲！炎明熹奪全場總冠軍
07月19日(一)
23:40更新 22:01建立

(節錄)
《聲夢傳奇》決賽今日（19日）舉行，最後兩強為炎明熹（Gigi）和姚焯菲（Chantel），兩人均以快歌迎戰，Chantel唱出《Chotto等等》，而Gigi演唱美國天后Lady Gaga的《Bad Romance》，兩人即時炒熱全場氣氛！最後Gigi強勢橫掃全晚3個大獎，先以22分大拋離只得3分的Chantel，奪得「《聲夢傳奇》專業評選大獎」，並在全球網絡投票活動中，以最高票數奪得「《聲夢傳奇》觀眾熱選大獎」外，更獲得全晚最高殊榮：全場總冠軍「《聲夢傳奇》傳奇新星」！

曾志偉讚Gigi似梅艷芳淡定
無綫副總經理曾志偉接受訪時，被問到可有貼中Gigi？他說：「有貼佢，因為知道啲分數，家庭觀眾投票都係佢最高分，但只係諗住佢攞一兩個獎，冇諗過攞晒。覺得佢好似梅艷芳以前咁，喺舞台好淡定，天生係食呢行飯，把聲亦係天畀佢。」志偉說導師讚Gigi懂得尊師重道，吸收能力亦很強，並懂得感恩。
問到資源會否重點放在Gigi身上？他說：「必然，15個參賽者都會有。（會唔會安排佢拍劇？）都會，李敏寫緊劇本，叫做《青春的我》，15個學員都會參加，仲有《盛．舞者》幾個學員，喺講校園，大概8月尾開拍，等佢哋開完音樂會，休息多幾日先。」

lily123

(on.cc)
《聲夢》學員拍青春劇拍　姚焯菲搵炎明熹做家姐
07月22日(四) 23:13

無綫歌唱節目《聲夢傳奇》學員炎明熹（Gigi）、姚焯菲（Chantel）、鍾柔美等在將軍澳電視城為直播節目《全城迎奧運》擔任嘉賓獻唱奧運主題曲。

Gigi與Chantel接受訪問，她們透露平日喜歡打羽毛球，希望有機會切磋球技。問到Chantel是否想贏回Gigi一仗？她笑說：「唔係，我哋係朋友嚟。」講到身在日本的「鐵粉」吳業坤越洋寄明信片給她，問到是否已收到？她笑說：「未收到，我同佢係同一經理人，如果經理人收到一定會畀我嘅。」

講到節目拜神時，無綫副總經理曾志偉與Gigi密密斟，她說：「佢都係鼓勵我，叫我加油。（志偉讚你似梅艷芳？）聽到好開心，佢係我嘅學習對象，唔會因為咁有壓力，反而係動力。」另外，講到志偉為《聲夢》學員開拍青春劇，Chantel指已收到通知，但未知詳情，她希望劇中Gigi飾演她的姐姐，Gigi則笑言反而想扮Chantel的妹妹。

ching2506

(HK01)
《聲夢傳奇》炎明熹姚焯菲首次拍劇　《盛舞者》爆試戲包羅萬有
撰文：邱愛霖
出版：2021-07-23 01:12

曾志偉早前率先透露無綫（TVB）即將安排《聲夢傳奇》學員拍一套以追夢為主題的劇集《青春的我》，屆時除了15位學員全體參演外，部份《盛．舞者》的參賽者都會參與，目標在8月底開拍。

身為《盛．舞者》成員的關嘉敏及方紹聰透露已參加面試，方紹聰搞笑指：「試咗場戲，即場排舞，場戲係關於權鬥、爾虞我詐，爭畀飯錢，類似咁。」關嘉敏則坦言：「其實都係得一個劇本，去到都係想睇下我哋有咩可以做出嚟，有咩創意。我記得有啲人試戲係Rap段對白出嚟，所以係包羅萬有。」

lily123

(on.cc)
《聲夢》拍青春劇　林君蓮恨做壞學生蝦蝦霸霸
07月24日(六) 18:06

《聲夢傳奇》學員林君蓮（蓮姐）與張馳豪（Aska）出席活動，對於一眾學員將於8月開拍青春劇，他們同聲表示期待，問到想演甚麼角色，蓮姐說：「我個樣好似壞學生，見蝦蝦霸霸覺醒最啱。」Aska就笑指想演訓導主任。

lily123

(HK01)
炎明熹極速擔正做女一　李敏任編審：劇集有歌舞、心理、校園元素
撰文：鄺鈺瑩
出版：2021-07-27 00:00

隨著選秀節目《聲夢傳奇》以及《盛·舞者》的落幕，無綫本著善用資源的心態，下月開拍新劇《青春的我》，並搵嚟一班善於跳舞、唱歌的學員擔正，全劇15集。當中包括姚焯菲、炎明熹、舞后Anisha以及王祖藍表弟李俊華（孖八）等人，而劇集編審將由李敏負責，過往李敏曾為不少電影編劇，至今年首次為ViuTV劇集《太平紋身店》任編審;而據知這套十五集劇集，會配上聲夢學員十五首新歌，換言之，姚卓菲、炎明熹、鍾柔美等，終於有自己歌唱。

其實自從曾志偉被欽點擔任無綫副總經理後，公司的劇集、綜藝都即時進行改革，而近日，連帶劇集亦都受到影響，有傳主席許濤決定引入審批團隊，就即將開拍的新劇由頭審視，令選美劇《選美的12夜》(暫名)、馬國明主演的律師劇及《巾幗梟雄4》都要煞停，反觀《青春的我》成功跑出。

李敏接受《香港01》訪問時，承認將會為新劇擔任編審，但她提到劇名是《青春本我》而非網上所寫的《青春的我》，她說：「本我是心理學的一個名詞 ，劇集類型是校園青春、音樂歌舞、心理劇。 加上心理元素是因為香港人近年遇到很多創傷，希望給大家點共鳴和舒緩。今次的編劇團隊很特別，我們有老師(教育界)，也很高興邀請到輔導心理學家，所以有很多真實的個案可以參考 。」問到劇集是否每集將會有一首新歌時，李敏雖然未有正面回應，但表示：「音樂舞蹈是很重要的元素，娛樂性一定要保持。」

李敏透露最近重返校園攻讀心理學碩士課程，時間上比較緊逼，所以曾猶豫出任編審與否，直到與一眾學員見面會。「我給這群年青人的真實故事感動了，他們的struggle 是很精彩。 其中一個學員告訴我，他為了追尋夢想，期間又為生活，為搵食什麼也做過，長工、散工、送外賣、地盤，就是要想盡辦法生活和繼續跳舞⋯⋯故事實在太吸引我。」

ching2506

(on.cc)
唔想用殘《聲夢》學員！曾志偉：想佢哋慢慢成長
08月12日(四) 16:32

(節錄)
《聲·夢飛行FIRST LIVE ON STAGE》今晚（12日）開騷，炎明熹(Gigi)、姚焯菲(Chantel）、鍾柔美（Yumi)等15位學員中午出席拜神儀式，高層曾志偉、樂易玲及何麗全等均有現身。

對於由15位學員演出的新劇《青春本我》，被指特別安排眾人演出，連緋聞也放入劇情，志偉笑說：「又冇咁嚴重，主要係想展現佢哋青春一面，面對青春係咩嘢。（會唔會客串？）做校工咩？」至於亦有指他於電影《梅艷芳》演羅文一角，志偉笑說：「唔係，點解咁講，好似冇，太耐唔記得啦！」


(星島)
提到志偉為聲夢學員開劇，劇本早前曝光安排一眾學員本色演出，志偉稱李敏也喜歡聲夢，女兒也和學員年紀相若，盡量表露學員青春一面，問他可會參演？志年笑言可演校工。

ching2506

(晴報)
聲夢傳奇｜何晉樂Rock開live疑似女友亂入惹哄動 新劇下月開拍 對感情線對象感無奈？

(節錄)
《聲夢》15名學員下月準備開拍由高層曾志偉點名開的新劇《青春本我》，不少粉絲都好奇劇情及Rock在劇中飾演的角色。早前他與冼靖峰（Archie）受訪時爆劇中會與同女學員有感情線，有人就在live中問Rock在劇中的另一半是誰，他故作神秘表示：「個女仔……我會有啲無奈……唔知仲會唔會改，理解緊個劇本。9月中會開拍，至於幾時播，我都唔肯定。」

他亦指不肯定新劇中誰是主角，「好似大家都係主角，我可以話畀大家聽15個人都有份演 ，都有自己嘅character，用劇集形式展露我哋性格。」Rock坦言本來知道要拍劇有點怯，不過亦相當期待劇本，「本身覺得做戲實死啦，咁快要學呢樣嘢；但導演、編劇畀咗好多信心我哋，好舒服咁接受個挑戰。而劇有好多歌係我哋唱同參與製作。」有人亦好奇問劇中會否有Hehe CP，Rock即笑言：「你哋唔好諗咁多！」

ching2506

(on.cc)
王灝兒劇接劇　開心拍《痞子殿下》賺咗幾段友誼
09月10日(五) 20:04

歌手JW（王灝兒）現身會展欣賞時裝匯演，以Deep V加露腰白色裙現身，大騷減肥成果，受訪時她興奮指今次是自拍完古裝劇《痞子殿下》後的首個公開活動，終於可以不用向劇組度期請假之下賺外快：「不停咁嚟都冇所謂㗎！《痞》都拍咗4個月，拍到最後真係有少少中暑嘅感覺，但係一個好開心嘅體驗。」

JW透露月尾又會再投入劇組「懷抱」，參演由「聲夢」學員主演的青春新劇《青春本我》，將會飾演訓導主任，而角色會偏向輔導一面，不會太惡，對於再度同學員合作，她指好開心，同時因為今次是時裝劇，可以扮靚靚不用着古裝捱熱。問到剛向男友交人，轉頭又要拍劇，男友可有詐型？她冧爆話不會：「我好享受拍劇嘅過程，而佢好支持我！有時佢知我拍完未食嘢，會煮嘢畀我食，非常支持我！」