『青春本我』拍攝跟蹤

lily123

(on.cc)
吳業坤同「女神」姚焯菲有代溝：唔敢同佢講嘢！
10月11日(一) 21:02

歌手吳業坤為《伍仲衡再搞花臣音樂會》進行綵排，身穿白色Tee的他明顯凸腩，他稱拍畢節目《#好掛住日本》後發福不少：「我之前度過體脂率係15%，算係Fit，但拍完再度係21%，已經係肥胖，我都想減，但依家拍緊劇集《青春本我》減唔到，因為我拍劇要好多能量，會食好多嘢，而且我係個唔浪費食物嘅人，喺日本拍嘢，我連拍攝用嘅食物都食，食到畀人鬧，話我食晒拍唔到，我同朋友食飯，人哋食剩嘅嘢我都會食埋。」他透露入行時體重約150磅，高峰期有180磅，現時160多磅，希望重見2年前為演唱會而操練回來的腹肌：「我啲腹肌完咗演唱會就冇，我都好掛住『佢哋』，想啲腹肌返嚟，為咗自己嘅前途我要再有腹肌，依家做藝人要聲色藝俱全，我係欠咗色。」

他揚言拍完《青春本我》後要的起心肝減肥，並拉JW（王灝兒）落水：「因為我同JW喺劇中好多對手戲，我都要就番佢個身形，大家畫面上好睇啲。」同劇有多位《聲夢傳奇》學員演出，包括其「女神」姚焯菲，問到有否跟對方好好交流，他自認有代溝：「有碰面，但冇對手戲，我哋冇傾過偈，因為冇話題，個個都同我嘅年紀差10年以上。我唔敢開口，唔好嚇親佢，仲有成個月要拍。（唔講嘢怕唔怕畀人話你扮大哥？）咁又係，不過大家都有點吓頭。」

ching2506

lily123

(on.cc)
眾星捧《聲夢》三姝　林子祥同顧嘉煇變大茄？
10月15日(五) 12:01

由《聲夢傳奇》學員擔正嘅新劇《青春本我》，就搵嚟姚焯菲（Chantel）、炎明熹（Gigi）及鍾柔美（Yumi）做生招牌Sell拍劇初體驗，另外仲搵嚟大批藝人客串，包括吳業坤、吳若希飾演老師、JW飾演訓導主任、黎燕珊飾演黃奕斌（Hugo）媽媽等，今次更有傳無綫為力捧一眾新人，請嚟殿堂級歌手林子祥飾演校長一角，而音樂家顧嘉煇就會演出校監兼詹天文（Windy）曾外祖父，頂尖前輩忽變「茄喱啡」，但未知傳聞真實性。而現身在內地拍攝真人騷《我們的歌3》嘅林子祥亦未表示有回港安排。

lily123

日期： 17/10/2021
活動： 《青春本我》外景探班
嘉賓： 炎明熹、姚焯菲、文凱婷、詹天文、
          潘靜文、林君蓮、蔡愷穎、林沚羿、
          冼靖峰、何晉樂、林智樂、孫漢霖、
          劉展霆、李紹堅、王灝兒、朱敏瀚、
          林子超、陳苑澄。
時間： 12:30
地點： 沙田穗禾路麗禾里3號沙田學院

ching2506

lily123

(on.cc)
炎明熹喊唔出想打自己　姚焯菲話喊就喊
10月17日(日) 16:01

藝人炎明熹（GiGi）及姚焯菲（Chantel）忙於為無綫新劇《青春本我》開工，今日（17日）拍攝一場Gigi失貓後的喊戲，不過性格硬朗的她「喊唔出」，要導演在旁引導，不過作用不大，最後用紙巾交代拭淚。

事後GiGi孖住Chantel受訪。GiGi對於「喊唔出」解釋謂：「我好少喊，平日即使真係想喊都會叫自己唔好，可能太多鏡頭捕捉住我喊唔到。我幾次都喊唔出，多謝導演循循善誘冇嫌棄。（對上嗰次點解喊？）唔記得，負面嘢我又唔想記住。」

問到GiGi可考慮上演技課增值自己？她說：「都會，唔知點解要喊又喊唔出，但唔拍我又喺度喊，好想打自己。」原來今日Chantel亦要拍喊戲，她說：「交代我望住隻公仔，好唔開心咁喊，我又喊得出。」記者叫她「幫吓GiGi」，GiGi即搶說：「冇用㗎，頭先我係鼻水流先，即刻吸番佢入去，兩行嘢好核突。」
談到拍劇是否得好玩？GiGi表示：「（拍劇）有難度，不過工作人員好好。（好攰？）今日唔算，之前試過夜晚有嘢做，第二朝又好早起身，對眼腫晒。」即將要測驗及考試，問到可擔心學業成績？她說：「有冇退步唔知，不過我覺得自己更加專注，如果連呢兩樣嘢（測驗加考試）都可以克服，就可以迎接更加大嘅挑戰。」Chantel則認為自己有責任演好每場戲，談到記對白問題，她表示如讀書般將內容融會貫通，問題則不大。另外，講到有傳林子祥及顧嘉煇加盟拍攝劇，監製彭幼芳否認傳聞：「佢哋冇On list，但會有串星嚟拍攝。」

lily123

(on.cc)
拍劇終於「有衫着」！朱敏瀚自爆暗戀過Miss
10月17日(日) 17:02

藝人朱敏瀚於無綫新劇《青春本我》內，扮演劍橋畢業的中國語文科混血兒老師，經常吸引女同學關注，甚至暗戀，造型打扮相當斯文，被記者取笑終於「有衫着」，他說：「係呀，呢兩、三年嚟第一套終於唔使除衫嘅劇，天氣開始凍嘞，着多啲衫好。」他有份參演的兩套台慶劇《玩命真相》及《拳王》都需要晒Body，他笑言：「拍《拳》劇一年前我已經開始準備，《換》劇就正正喺《拳》劇之前，所以好Ready，兩套劇嘅體型有分別，希望畀觀眾唔同嘅感覺。」

當問到求學時有否受到關注，他說：「初中時大家會覺得我個樣比較特別，因為我太婆係英國人，所以會有啲同學仔鍾意望吓我，好似動物園咁，不過佢哋冇惡意嘅。（有冇暗戀過老師？）小一時同個女老師好Friend，後來我有出席佢嘅婚禮，感覺好似畀人攞走咗個姐姐咁。」

張潔蓮完全凍齡

至於他當年於《閃電傳真機》獲選「最英俊王子大獎」，他說：「當時媽咪喺商場發現呢個活動，覺得啲王子、公主衫好靚，就帶我去參加比賽。比賽後多咗人留意，有模特兒公司搵我拍教育電視同廣告，所以呢個比賽算係我入行嘅踏腳石。」他又指早前拍節目與當時兒童節目主持張潔蓮重遇，覺得對方完全凍齡，與24年前沒有改變，打趣指自己反而成熟了很多。

lily123

(HK01)
青春本我丨JW大讚姚焯菲演戲有驚喜：佢演得好自然
撰文：賴家杰
出版：2021-10-17 19:30

王灝兒（JW）於TVB歌舞劇集《青春本我》扮演老師角色，今天（17日）開工時受訪表示，現時為止拍攝非常順利，更大讚劇中一眾聲夢學員唱的歌非常動聽，「其實我幾期待去睇，佢哋做戲我都幾驚喜，因為佢哋幾有性格。」

JW同戲中每一位聲夢學員都有對手戲，不少觀眾都期待炎明熹（Gigi）和姚焯菲（Chantel）第一次演戲的表現，JW透露暫時還沒有跟Chantel拍對手戲，而跟Gigi今天就合作完成，JW說：「今日佢有啲好認真嘅戲，佢都做得好好，佢好有自己性格，對於Gigi我冇咩擔心，我諗佢劇入面性格同本身性格都有啲似。Chantel我有喺螢幕睇，佢演得好自然，我覺得好驚喜。」

而JW加入TVB後，《青春本我》是第二部重戲份角色的作品，而《痞子殿下》是第一部，早前拍攝完《痞子殿下》後再拍攝《青春本我》，JW認為沒有難度：「過去四個月拍攝古裝令我學到好多嘢，變咗過去四個月再跳過嚟拍呢套好舒服，覺得自己WARM UP咗，起碼學識咗望機位呀，一啲光位都識。」

lily123

TVB Weekly
【娛樂熱話】
《青春本我》
炎明熹首拍喊戲被考起

由《聲夢傳奇》學員擔正的青春劇《青春本我》現正火速拍攝中，劇組於10月17日，安排在沙田進行外景探班，出席演員包括《聲夢》學員炎明熹（Gigi）、姚焯菲（Chantel）、文凱婷、詹天文、潘靜文、林君蓮等《聲夢》學員，以及JW王灝兒、朱敏瀚等，二人在劇中飾演一眾學生的導師。
當日，Gigi需要拍攝一場因遺失小貓而不開心的喊戲。由於她是初次拍戲，投入角色拍喊戲有一定難度，所以見她埋位，培養情緒多時也未能喊出來。最後需要導演引導，才眼泛淚光，完成拍攝。事後，Gigi接受訪問，坦言平時很少喊，今次要拍喊戲也是喊不出來，十分不滿意自己的表現。「開機拍攝喊不出來，停機時就喊，好想打自己，好無用！」她感謝導演耐心教導，並沒有嫌棄及責罵她，令她感到很窩心。同日，Chantel亦需要拍一次喊戲，她稱拍攝時，望住公仔便喊了出來，拍攝順利。Gigi與Chantel均需兼顧學業，她們說不太辛苦，仍可應付到，而且劇組方面已經盡量配合，不會影響她們的上課時間。

ching2506

張馳豪AskaVM :大家好，我係倪家迪
10月13日 20:00