『四十二章經』拍攝跟蹤

ching2506

(HK01)
四十二章經｜譚凱琪攬實陳豪影婚照　自爆仲未有機會披白紗
撰文：鄺鈺瑩
出版：2021-12-01 12:00

陳豪同譚凱琪（Zoie）近日忙於拍攝新劇《四十二章經》，二中在劇中雖然並冇感情發展，但呢晚齊齊去影婚紗照，而當陳豪聽到譚凱琪提議「出兩倍價錢」之後，仲表現得十分之配合。

Zoie去年與拍拖與8年的圈外男友莊日宇（Enrico）低調完婚，並在IG分享數張中式及西式婚紗照，之後她再分享唯美婚照，身穿低胸紫色禮服嘅佢十分吸晴，不過呢日她接受《香港01》訪問時透露原來呢輯獲不少網民激讚嘅照片只係pre-wedding。「我自己有套婚紗係擺酒時著，本身諗住喺外地、有草地咁樣，但因為疫情關係，所以而家擺咗喺屋企，都有諗過今日著，又好似冇咩可能，所以我都諗緊可以幾時著。因為買嗰時係打算有個草地做背景，所以到最後喺香港簽紙時都堅持冇著。」而身為男士嘅陳豪，就認為禮服只要襯到老婆就可以。

lily123

(on.cc)
搏到盡拍吊頸戲　周嘉洛江嘉敏兩個只能活一個
12月03日(五) 11:01

藝人周嘉洛備受無綫力捧，一拍完首度擔正男主角嘅劇集《痞子殿下》，就立即劇接劇，日前剛回歸《愛‧回家之開心速遞》出席「二姨」熊若水（呂慧儀飾）嘅婚禮，呢日就緊接繼續為新劇《四十二章經》開工，更拍攝一場吊頸戲份，認真搏到盡。佢喺社交網大晒現場花絮照，見以一身保安Look上陣嘅佢，被吊高喺廢置工廠大廈之中，雖然要上演驚險戲份，但佢都保持一貫輕鬆態度，一邊「吊頸」一邊擺Chok甫影相，佢仲表示：「盡量吊高我！」相當搞笑。

其實佢被吊起嘅同時，原來同劇嘅江嘉敏亦被綁喺木柱嘅另一邊，亦即當周嘉洛落地，江嘉敏就會被吊高，而百厭嘅周嘉洛當然趁機整蠱江嘉敏，喺休息時間刻意擺動身體令江嘉敏稍為被吊起，江嘉敏即表示：「我會報仇㗎！

ching2506

ching2506

戴耀明DIAYIUMINGV :
休閒服廣告？？
#四十二章经##江嘉敏##邝洁楹##戴耀明#

ching2506

ching2506

(頭條日報)
活力中佬 50歲跳街舞好腰力 陳豪醒你冇得輸冧妻方法
07/12/2021
   
陳豪(Moses)於今年TVB台慶「思密Party」環節中，應李思捷要求講出「最想結婚的TVB女藝人」時，陳豪即答陳茵媺，被網民激讚心中只有老婆。事實上阿Mo為咗畀老婆及3子女幸福舒適生活真係好落力，日前他為新劇《四十二章經》拍外景，劇情需要大跳街舞，雖然手腳唔多協調但努力去跳，疫情下好注重防疫嘅阿Mo仲跳到成個人貼晒落地，睇唔出50歲嘅佢腰力依然強勁！

由TVB金牌監製陳維冠(Joe) 監製的《四十二章經》是一套融合歷史及功夫元素的劇集，飾演豬肉婆嘅龔嘉欣前世與鰲拜有關，今世遇上「古老石山」教授陳豪，二人經常發生磨擦如前世冤家。日前兩人於上環拍外景，場口講述陳豪大跳街舞o氹返嬲嬲豬嘅嘉欣。

嘉欣讚陳豪冇氣喘
阿Mo平日冇乜跳舞，為咗接受呢場挑戰都打醒十二分精神，記者現場直擊，當日開早班嘅陳豪精神爽利，演出前仍攝時間跟老師惡補，加碼苦練。到正式埋位，他隨住老師喺機後打拍子123456…提示，跟隨音樂旋律扭動身體，前後擺動條腰，再揈手揈腳玩打功夫式freestyle，跳到踎咗落地，再用手及身體撐喺地面係咁「印」，最後旋轉一個圈後秒速彈返起身。雖然動作有啲生硬，但總算流暢，最重要勇氣可嘉。估唔到50歲陳豪仲好有活力，尤其條腰好有力，渾身是勁。

當日最受歡迎演員
當日陳豪好受街坊歡迎係咁被「集郵」，對於挑戰難度跳街舞，他笑說：「真係未試過，我完全唔知發生乜事，監製突然落指令話一定要跳街舞，惟有趁唔使開工嗰日練咗幾個鐘，哈！我有Hip-Hop細胞，所以出嚟好似樣。」在旁嘅龔嘉欣都大讚阿Mo超勁，連跳兩分鐘都冇氣喘。陳豪笑住話有畀條跳舞片囡囡睇：「佢大讚『我爹哋係全世界最好嘅。』」

好Enjoy家庭生活
對於台慶當晚表現獲讚畀到老婆安全感，陳豪笑說：「我都唔知答乜咪將肚入面答案講出嚟囉，其實係我想黐實老婆同啲細路，有家庭生活係咁㗎啦！我好Enjoy同佢哋一齊，全部時間畀晒佢哋，就算陪佢哋做啲無聊嘢都冇所謂。(跳返part舞o氹佢哋？)佢哋想嘅話我會渾身解數做乜都得，其實維繫夫妻同子女關係要放心血落去。」阿Mo仲教大家最簡單嘅冧妻方法，就係唔好有秘密，佢話由day 1開始就係咁做。

ching2506

莫老闆 :
最近除了密鑼緊鼓準備一件事情外，就係繼續為剩外嘅外景工作努力
四十二章經 肥叔

ching2506

lily123

(on.cc)
唔玩鬥武轉鬥「舞」　陳豪化身「舞王Mo」搶晒Fo
12月23日(四) 00:02

由視帝陳豪主演嘅無綫新劇《四十二章經》早前於何文田拍攝外景，場口講述陳豪、江嘉敏、周嘉洛、鄺潔楹（Judy）齊齊跳舞幫鄭子誠求婚，導演於正式拍攝前找來排舞老師為各人排舞，其中一身神父裝束的陳豪起初似未能跟得上節奏，總是比人慢半拍，但到正式roll機時，他突然「舞王」上身，有姿勢有實際，成功令鄭子誠抱得美人歸。

事後陳豪受訪時笑說：「今次個劇比較輕鬆，而且劇中有好多唔同元素，舞蹈只係其中一樣我哋要表演嘅，仲有好多搞笑嘅群戲，大家整體合作都好開心、順利。」而Judy指睇劇本時已知「唔嘢少」：「都想多啲時間排，但因為太趕，只可以即場排，阿Mo（陳豪）最辛苦，因為佢喺頭排唔錯得。」問到心目中理想求婚方式，她自言比較簡單，最怕對方找來一班朋友搞「大龍鳳」，她說：「喺網上睇過太多好有心思嘅求婚，但最後個女仔係Say No。」她指曾有術數師指她有閃婚的可能，她亦表示認同，更自爆希望34歲前能生BB。

另外，江嘉敏表示讀書時曾學跳舞，但自嘲手腳不協調：「好在係拍住周嘉洛，佢跳舞好厲害。（好似拍得幾趕，辛唔辛苦？）少少，不過有Judy、嘉洛、糖妹佢哋一齊成日講傻嘢，好開心。」她續表示劇中會首嘗吊威吔滋味，受傷也是必然，但辛苦得來「好好玩」，最遺憾是未能參與開槍場面。至於獲讚舞功了得的周嘉洛，眾人排舞期間，他被發現獨自坐在一旁閉目養神，他解釋：「前一晚瞓得唔好，體力上唔係最好狀態，所以搵個地方抖抖。」

ching2506