TVB 剧集情报社 - tvbfiles.com

 找回密码
 立即注册
搜索
8pm  愛.回家之開心速遞830pm  錦繡南哥930pm  木棘証人(10/19)
11廠: 愛.回家之開心速遞   12廠: 異搜店  我家無難事
13廠: 換命真相   15廠:
 合拍:兒科醫生
外判劇:智能愛AI人   金宵大廈2
邵氏:飛虎3壯志英雄
即將開拍:拳王 
查看: 161|回复: 5

《2020香港小姐競選》相關報導

[复制链接]

37

主题

618

帖子

2338

积分

管理员

Rank: 19Rank: 19Rank: 19Rank: 19Rank: 19Rank: 19

积分
2338

突出贡献优秀版主荣誉管理论坛元老

发表于 2020-8-21 16:57:59 | 显示全部楼层 |阅读模式
(on.cc)

港姐:做足防疫措施  余詠珊透露有淘汰賽
07月23日(四) 17:31




無綫因疫情嚴峻「封城」四日進行大規模消毒後,今日有限度「解封」並舉行《2020香港小姐競選》記者會。16位入圍佳麗首度正式見傳媒,無綫作出多重防疫措施,傳媒進入電視城前要經過雙重體溫檢測,進入錄影廠前,無綫添置了一部智能測溫消毒通道,每位藝員及傳媒進入錄影廠前,均要接受消毒,而場內設有膠板分隔攝影記者,記者席亦要隔位坐,而佳麗接受訪問時時亦有膠板阻隔,保持社交距離措施相當嚴謹。

決賽八月下旬舉行
大會統籌經理余詠珊指除了16位入圍佳麗,最多會有三位海外佳麗加入,她們正進行隔離及辦理文件手續,而決賽將會八月下旬舉行,期間會進行淘汰,將會有兩個節目,並由分量十足的藝人考驗佳麗。她指防疫措施已做了不少,將會購入更多消毒設備。問到可擔心疫情會影響比賽進行?余詠珊說:「冇得擔心,會做好防疫措施,同埋會叫啲佳麗少啲出街。」

此外,大會已在社交網舉行投選,票數最高的十位佳麗將能夠在下輪淘汰賽晉級。
回复

使用道具 举报

37

主题

618

帖子

2338

积分

管理员

Rank: 19Rank: 19Rank: 19Rank: 19Rank: 19Rank: 19

积分
2338

突出贡献优秀版主荣誉管理论坛元老

 楼主| 发表于 2020-8-21 17:03:31 | 显示全部楼层
(on.cc)

港姐:陳楨怡想識男友前度戴祖儀
07月30日(四) 08:51





無綫J2節目《#後生仔傾吓偈》昨晚邀請了《2020香港小姐競選》當中五位佳麗陳煦凝(Amber)、范倩雯(Charmaine)、陳楨怡(Celina)、侯嘉欣、何孟珊擔任嘉賓,與主持包括馮盈盈、陸浩明、林穎彤等傾吓偈。

五位佳麗先「報Status」自爆感情狀況,陳煦凝(Amber)透露拍過四次拖,講到過去拍拖最難忘?她說:「最難忘係最hurt我嘅前男友,我好鍾意佢,但係佢唔係咁鍾意,我用盡方法討好佢,但佢唔止一次背住我識其他女仔,但係太鍾意佢,都同佢拍咗拖兩年。人生總會遇到一啲你好鍾意,但係佢唔係好鍾意你嘅人,都學識咗愛自己。」

侯嘉欣講到感情狀況有點激動聲震震,原來與拍拖五年的男友處於分手邊沿,她說:「依家冷靜期,處於就嚟分手狀態,我哋拍咗拖五年,唔關選港姐事。佢喺北京,可能因為呢半年都冇見,佢又覺得一個人舒服啲。」侯嘉欣指感情出問題也帶來一定壓力,正努力調節。

陳楨怡(Celina)自言長情,透露只拍過兩次拖,現任男友拍了四年拖,前男友也拍了兩年拖。林穎彤指她的現任男友是戴祖儀的前度,她笑說:「我知道,我都想見吓佢,佢笑容好甜美。」陳楨怡講到拍拖最浪漫是男朋友由香港秘密飛到英國突然出現給她驚喜。
陳楨怡對於被指愛夜蒲及「收兵」感委屈,她說:「自己男性朋友五隻手指數得晒,同埋我對酒精敏感唔會夜蒲,飲完可能第二日要入醫院。」

何孟珊指現在是單身,只拍過一次拖,現在並不想拍拖。講到初戀她說:「啱啱入大學想試吓,其實唔係太鍾意,所以好快就分開咗。」而范倩雯透露拍過四次拖,與現任男友是大學同學,認識了五年,數月前才開始拍拖,她笑謂兩人經常拍拖打麻雀。

五位佳麗又互相投票選出心目中被淘汰的佳麗,有三位佳麗選陳楨怡,陳照凝笑說:「我最矮,佢最高,我同佢一齊好似小矮人咁,如果冇佢就會顯得我冇咁矮。」范倩雯則說:「佢係我小學同學,我揀佢因為佢唔會嬲我,哈哈。」
回复

使用道具 举报

37

主题

618

帖子

2338

积分

管理员

Rank: 19Rank: 19Rank: 19Rank: 19Rank: 19Rank: 19

积分
2338

突出贡献优秀版主荣誉管理论坛元老

 楼主| 发表于 2020-8-21 17:07:51 | 显示全部楼层
(on.cc)

藝人戴口罩照跑步!港姐黃婉恩:10分鐘後習慣
08月01日(六) 12:50




香港第三波疫情嚴峻,已經連續十日確診超過100宗,好多人都留家抗疫,減少外出,但都仍然有幾位藝人戴住口罩都要去跑步Keep fit,咁又係嘅,好多人都話做開運動突然間唔做會周身唔舒服,不過戴住口罩做諗起都辛苦,有人就笑言當練肺活量,但佢哋仍然能夠跑足全程,真係少啲毅力同堅持都唔得呀!
藝人范文雅穿上一身性感運動裝喺維港旁跑步,佢留言話:「去跑步也要記得戴口罩哦,香港的夜景很美,可是美麗的城市啊,為甚麼我一直沒有歸屬感呢」

而今屆入圍港姐的黃婉恩,都跑步Keep fit保持最佳狀態去參選,疫情期間,有健康嘅生活習慣是非常重要,雖然所有室內運動場所都暫時關閉,但唔好忘記係屋企都可以做運動,我琴(尋)晚決定趁人少嘅時候出外跑步,雖然戴住口罩跑步好困難,但係為咗保護自己同身邊嘅人,戴口罩是必要的,不過請相信我!開始10分鐘之後就會慢慢習慣,如果我可以,你哋都一定可以,大家一同加油。」

而一向跑開步的黃浩然就選了黃昏時段跑步,他說:「與大家一起並肩抗疫,黃昏跑5k #戶外運動也要戴口罩。」
回复

使用道具 举报

37

主题

618

帖子

2338

积分

管理员

Rank: 19Rank: 19Rank: 19Rank: 19Rank: 19Rank: 19

积分
2338

突出贡献优秀版主荣誉管理论坛元老

 楼主| 发表于 2020-8-21 19:10:16 | 显示全部楼层
(on.cc)

講旅遊撞正達人 范倩雯陳楨怡畀洪永城嫌悶
08月01日(六)




《2020香港小姐競選》「我和港姐有個約會」今晚於網上直播,三位佳麗范倩雯、陳楨怡和侯嘉欣,齊齊與網民見面。嘉賓藝人洪永城(Tony)與三位佳麗因疫情關係,惟有隔空打邊爐飯敍,邊吃邊分享人生經歷。不過三位佳麗都穿得相當優雅,儼如去高級餐廳吃晚餐般,穿吊帶裙的侯嘉欣更低胸夾出三吋多事業線,相當養眼。

陳楨怡指自己是首次Online Dinner,Tony覺得她說話太細聲,專登點名她作首個介紹自己,她又想Tony向分享旅遊經歷,但對方反叫陳楨怡介紹倫敦,期間她說出兩間傳統百貨公司的名字,洪永城問那兒是否專賣名牌?相當搞笑。

范倩雯指自己很喜歡打邊爐,她問Tony:「我知你係旅遊達人,去過好多地方,但點解唔去北美洲玩?」Tony笑言:「你喺美國住都知啦!去拍嘢好繁複,好多地方拍嘢要買保險,所以唔係咁順暢,反而南美洲及歐洲地方就好啲,攞部機仔就可以拍得。」

當中,陳楨怡比較文靜,不停係咁淥嘢食,淥完又吹凍啲嘢食,但就係唔擺落口,唔知係咪怕肥。她表示疫情後最想去土耳其,覺得那兒日落好浪漫,Tony問她是否打算跟伴侶去時,她說:「呢個未知,但都可以同朋友、屋企人去。」
Tony問她們最不斯文、最Wild的一次旅行經歷,范倩雯謂:「有一次我哋三個女仔揸車去夏威夷睇日落,揸車好快,我哋畀警車追,然後我哋嗲個警察叔叔,跟住佢同我哋傾咗幾句,又話畀我哋知邊度有好嘢食,告票都冇畀我哋。」陳楨怡指自己曾跟學校去過印度旅行,那兒的人相當熱情,不時拉着她自拍,就連去廁所都會拉着影相。即時被洪永城彈她們的遭遇一點也不吸引,隨即問她們有否靈異遭遇,三位都表示沒有,Tony謂:「搞錯呀!英國冇Ghost㗎咩!」之後陳楨怡指自己去露營或旅行會帶護身符,又指媽咪會給她一包粉,有「靈異嘢」近身會變味,Tony謂:「色魔算唔算?會變咩味?你有冇攞住啲粉喺電視城行來行去?」范倩雯問Tony去旅行有甚麼小禁忌、小習慣,他指自己會帶小藥油,經常被工作人員笑。
Tony又讚三位是絕色美女,問旅行時有否艷遇時,范倩雯豈初問非所答,Tony問她有否拍過拖時,她表示有,對方是亞洲人。而陳楨怡為大家指她喜歡收兵作出澄清:「大家都係朋友,五隻手指數得晒。(網上成日都有啲名牌?)其實我有個家姐同妹妹,關係都好好,買番嚟嘅嘢都Share。(有冇男士送名牌嘢畀你?)頸鏈,係追我時送畀我,我鍾意行動方面多過禮物,例如幫我打掃及煮飯,我覺得識煮嘢同識做家務嘅人特別有魅力。」
范倩雯指自己的缺點是不夠積極、怕醜,現階段正改善中,Tony則教她要找個平衡位,要學識保留個人私隱都。至於陳楨怡指自己不善於表達自己,對着鏡頭很緊張,但現時已較有自信,於其他佳麗身上都學到不少東西。
回复

使用道具 举报

37

主题

618

帖子

2338

积分

管理员

Rank: 19Rank: 19Rank: 19Rank: 19Rank: 19Rank: 19

积分
2338

突出贡献优秀版主荣誉管理论坛元老

 楼主| 发表于 2020-8-21 19:12:43 | 显示全部楼层
(on.cc)

港姐:烏身晒事業線 侯嘉欣為周杰倫遊布拉格
08月01日(六) 22:13

身穿黑色吊帶裙大騷事業線的侯嘉欣(Michelle),現身「我和港姐有個約會」網上直播時,期間不時烏身進食,豐滿上圍表露無遺,於鏡頭前分外吸睛,透露今年剛於英國返港,與同是於當地求學的陳楨怡寓所相當近,可謂非常有緣。Michelle坦言以往常到歐洲旅行,對布拉格特別喜歡:「入面嘅建築好童話故事,啲人又友善,物價又平,好值得去。」主持洪永城問到是否因為她靚女,才令當地人對她友善?Michelle笑說:「佢哋對遊客好Nice!」之後她從手機Show了一張於當地一條橋下拍攝的照片,笑指當時因追星專程到該地方:「因為周杰倫之前喺度拍MV,所以我喺同一位置影相留念,想同佢有多啲共同畫面,同埋佢喺英國每場演唱會都有睇。」不過當洪永城着她即席清唱偶像歌曲,Michelle卻怕醜婉拒。

而她亦有大談瘋狂旅遊經歷,表示曾與家人到墨西哥度假區內的酒吧街體驗夜生活,期間喝了一杯酒,沒料揸車時被疑似警察截停,對方指她哥哥超速又飲酒,要跟他到警局逗留兩星期,她說:「哥哥叫對方畀次機會,點知佢就話隔籬有個ATM(提款機),咁大家估到係咩事,其實後來我哋都有諗,會唔會係扮警察呃錢呢?」談到於外地艷遇經歷?Michelle認為韓國男仔分外主動,尤其晚上11點後便變了另一個人,不時搭枱及被邀一齊飲酒,即使在街上也會搭訕,問到可有與外國男仔拍過拖?Michelle表示:「有同中國籍男仔拍過拖,依家仲係好朋友關係。」
回复

使用道具 举报

37

主题

618

帖子

2338

积分

管理员

Rank: 19Rank: 19Rank: 19Rank: 19Rank: 19Rank: 19

积分
2338

突出贡献优秀版主荣誉管理论坛元老

 楼主| 发表于 2020-8-21 19:17:10 | 显示全部楼层
(on.cc)

港姐:陳煦凝畀黃庭鋒搣下巴力證冇整容
08月02日(日)




《2020香港小姐競選》的「我和港姐有個約會」網上直播踏入第二天,昨晚洪永城單拖與三位佳麗打邊爐邊食邊傾,惟火花欠奉,大會今晚即找來口才了得的陸浩明,傍實丁子朗與黃庭鋒兩位嘉賓,二人分別與何孟珊及陳煦凝(Amber),共進浪漫晚餐。

由庭鋒與Amber打頭陣食泰國餐,二人甫開始已雞啄唔斷,未有半點生疏,Amber教庭鋒講泰文「1至10」,但當中「能」(1)、「屎」(4)、「膠」(9)等發音,與粗口發音相似,被庭鋒讚口音似泰國人,同時又取笑她講粗口,不過Amber未有理會,還打蛇隨棍上,叫庭鋒教她講日文,庭鋒也禮上往來教Amber「1至10」日文發音。

及後二人開始進食,庭鋒表現紳士為Amber遞海南雞飯,不過Amber就想食串燒,庭鋒趁機問Amber是否曾參與動漫Cosplay?起初Amber扯開話題落魚露,庭鋒仍不罷休繼續追問,Amber才承認有參與過動漫節,還告訴他扮演的角色名字。

對於屢被指鼻及下巴均是整容,Amber無奈表示已先後澄清很多次,還叫庭鋒即席搣她下巴,以證真材實料,更說:「整係硬,我係軟,細個下巴都係凸,親戚都話覺得似我下巴係整。」她亦提到自己有打泰拳,以往一星期上課一、兩次,順便減肥,結果成功減掉30磅,非常有恒心。
庭鋒指Amber愛收藏名錶,Amber即否認說:「得一、兩隻,依家都係戴智能手錶,亦有一隻名錶用嚟炒,名錶都係兩隻手指數得晒。(呢樣會唔會係擇偶條件之一?)唔係,一齊開心就得,一生一世要包容到,冇錶冇車冇樓都OK,我都成日食快餐店。(之前影到同男仔行街,但你話自己係單身?)依家係Single,對方係好朋友,Best Friend。」

庭鋒則表示喜歡笑容甜美的女仔,因可以被融化,Amber坦言對斯文,以及孝順男仔情有獨鍾,反而唔鍾意靚仔:「因為孝順男仔對人好啲,我係單親家庭長大,最想第時一齊住,否則媽咪一個人好慘。」此時,主持陸浩明欲加入參與,惟出聲幾轉才令二人聽到,場面搞笑。

陸浩明講出網友對二人要求,起初要求庭鋒與Amber對望10秒,Amber聞言頻呼尷尬,雙眼更不時四圍望,並以笑遮醜,及後庭鋒追問Amber拍拖次數,Amber坦言:「4次,有一個係主動,係我鍾意類型,一見鍾情,其係人哋追,唔係我鍾意類型。(認識後反差大?)唔會,因為太鍾意會有光環,佢做咩都覺得佢好,但佢一定唔係鍾意我。」

回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2020-10-22 05:58 , Processed in 0.040844 second(s), 21 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表