TVB 剧集情报社 - tvbfiles.com

 找回密码
 立即注册
搜索
8pm  愛.回家之開心速遞830pm  錦繡南哥930pm  木棘証人(10/19)
11廠: 愛.回家之開心速遞   12廠: 異搜店  我家無難事
13廠: 換命真相   15廠:
 合拍:兒科醫生
外判劇:智能愛AI人   金宵大廈2
邵氏:飛虎3壯志英雄
即將開拍:拳王 
查看: 321|回复: 8

馬國明湯洛雯

[复制链接]

4

主题

51

帖子

151

积分

注册会员

Rank: 2

积分
151
发表于 2020-6-18 19:39:10 | 显示全部楼层 |阅读模式
回复

使用道具 举报

4

主题

51

帖子

151

积分

注册会员

Rank: 2

积分
151
 楼主| 发表于 2020-6-18 19:42:56 | 显示全部楼层
國明潛入紅磡香閨 秘撻湯洛雯

鉆石筍盤馬國明唔再悲情,終於有拖拍!現年46歲的他自與黃心穎分手後感情生活壹直備受關註,原來他唔聲唔聲,秘撻TVB上位小花兼心穎閨蜜湯洛雯兩個月,馬國明更直上女方香閨,當場斷正!

今午三時半,靚湯駕車返回位於紅磡寓所,5分鐘後,馬國明駕其座駕現身女方香閨,並把車泊到訪客的時鐘車位。兩人在寓所相聚4小時,直至晚上7時45分,兩人壹齊步出寓所大堂,他們頭戴鴨舌帽及身穿深色長袖上衣,打扮襯到絕。

兩人徒步到附近商場內的壹間售賣電話零件的小店,雖然全程沒有拖手,但肩並肩而行,且步伐壹致,默契十足,問到兩人是否拍拖﹖戀情開始多久﹖是否見家長等等,他們均沒有回答,靚湯見到記者時壹度合十雙手。兩人在店內逗留了數分鐘便離開,離開時記者再度提問時,馬國明終開腔說:“唔講住,等有合適場合會再交代。”表現友善,他們其後步行回靚湯寓所,臨入閘前馬國明還親切地向記者揮手拜拜。

馬國明與靚湯曾於2016年合作劇集《心理追兇Mind Hunter》,靚湯飾演馬國明已死去的女友,劇中二人更不乏咀嘴場口,咀出愛火。後來兩人因心穎的關系而逐漸熟落,因馬國明不時會參加心穎與好姊妹的聚會,去年心穎生日的校服派對也是由靚湯壹手安排。其後雖然馬國明與心穎分手,但靚湯與馬國明仍然保持聯絡。

最近數月,兩人同時在電視城開工,經常會相約食飯,感情愈來愈好漸生情愫,開始交往。其實初時兩人因心穎的關系,有感身份尷尬而對發展戀情有所考量,但經過相處後雙方發現性格很夾,馬國明認為難得遇到合適對象,加上跟心穎已成過去,決定放下包袱與靚湯發展。

而日前馬國明開啟社交帳戶時,第壹位follow的異性就是靚湯的妹妹湯樂瑤,相信當時他想第壹時間follow女友,但卻手快快撳錯隔籬,可見兩人關系非比尋常。



回复

使用道具 举报

4

主题

51

帖子

151

积分

注册会员

Rank: 2

积分
151
 楼主| 发表于 2020-6-18 19:43:23 | 显示全部楼层
齊齊甜晒馬仔合照 馬國明湯洛雯IG高調認愛

剛才有報道大爆46歲的「鑽石筍盤」馬國明秘撻33歲的湯洛雯兩個月,昨日馬明更被拍得駕車直駛靚湯香閨,二人在寓所相聚4小時,至晚上近8點才雙雙步出離開。拍拖斷正的他們當時未有認戀,但事隔4個多小時後,馬明和靚湯於凌晨12點左右,分別於各自的Instagram(IG)帳戶貼出同一張獨角獸與白馬仔相依的公仔照,並互Tag兼留言:「謝謝關心。」直認戀情,一眾圈中好友及網民即紛紛湧進IG留言送上祝福!恭喜晒!

回复

使用道具 举报

4

主题

51

帖子

151

积分

注册会员

Rank: 2

积分
151
 楼主| 发表于 2020-6-18 19:43:40 | 显示全部楼层
見過雙方家長 馬國明自爆無避忌成日撐枱腳

馬國明與湯洛雯認戀後,今早返電視城開工。談到昨晚被拍到拍拖斷正,二人均神態自若,馬明說:「係啊!我地好自若㗎!因為之前有共識,幾時影到幾時講,無端端自己講又覺得好奇怪,好似做新聞咁。所以有呢一個共識,我哋都無避忌,其實我哋喺公司成日食飯,大家開緊工但係隔離廠。如果心水清會覺得奇怪,佢又放低劇組,我又放低班劇組,兩個人一齊食飯。咁無咩人問,我哋咪繼續囉,從來都無避忌。」

獲讚此共識相當成熟,變相關係亦十分成熟。馬明說:「所以我都話,覺得係幾啱嘅一個人,大家私底下都覺得幾啱,所以先有呢個共識。如果大家好唔明確嘅話,當然唔會有呢個共識啦!我都年紀唔細啦,我成日都話唔會呃大家,係幾時到個位置。」
雖然馬明口說發展中又開始不久,但他們都見過雙方家長。問到靚湯會否是結婚對象?馬明說:「其實我每一次都係諗下一步,我唔係拍散拖嘅人,從來都唔係,我唔會為拍拖而拍拖,唔會搵個人嚟消磨時間。將來睇下點啦,當然將來大家都唔知,但暫時覺得大家可以開展嘅對象。」問到媽媽是否開心又滿意靚湯?他說:「帶過佢返屋企食飯,媽媽都幾鍾意佢。」

提到前度黃心穎以訊息回覆傳媒:「我祝福佢身體健康、平安。佢私人嘅事留返畀佢私人。」馬明說:「多謝佢,我真係好多謝佢。希望佢快啲搵到另一半,開開心心。」
回复

使用道具 举报

4

主题

51

帖子

151

积分

注册会员

Rank: 2

积分
151
 楼主| 发表于 2020-6-18 19:44:06 | 显示全部楼层
三觀一致盛讚男友五大優點 湯洛雯視馬明為一生一世對象

湯洛雯和馬國明大方認愛,首度開腔談戀情的湯洛雯全程甜笑,盛讚男友孝順、善良、冷靜、成熟、穩重,五大優點,能令她安定心寧有安全感,加上二人「三觀」一致,都屬佛系、夠宅和孝順,有共通話題,坦誠是朝著結婚為大前提而交往,視對方為一生一世的對象;父親湯鎮宗給予男友100分也認同是值得。
對於馬國明舊愛黃心穎透過傳媒向二人送祝福,及被指與心穎份屬好友,卻接收了其男友和工作;湯洛雯停了一停,一臉認真的說:「多謝祝福,其實都是…緣份,我和他(馬國明)一起是沒有計劃的,都是近期才開始傾談,我們也沒有想給過。(見到心穎會否尷尬?)暫時不會想,尚未發生,也不懂回答。」
回复

使用道具 举报

4

主题

51

帖子

151

积分

注册会员

Rank: 2

积分
151
 楼主| 发表于 2020-6-18 19:44:23 | 显示全部楼层
湯洛雯自購定情信物 獨角牽手小馬認愛夠心思

湯洛雯和馬國明由認戀到感謝大家祝福,都以獨角獸與小馬合照代表二人,馬明爆這極具心思的照片由靚湯炮製,照片是早前影下。
問到湯落雯一對公仔是否定情信物?她稱是自己買,因本身喜歡公仔,一向有儲公仔的習慣;她很喜歡獨角獸,湊巧又有個小馬公仔。至於發感謝帖文,是因為沒料到收到大家這麼多的祝福,很想多謝大家。
回复

使用道具 举报

4

主题

51

帖子

151

积分

注册会员

Rank: 2

积分
151
 楼主| 发表于 2020-6-18 19:45:36 | 显示全部楼层
馬國明春風滿面冧認靚湯身份

今日全城祝福“明湯戀”,講緊嘅系鉆石筍盤馬國明被東網斷正同湯洛雯(靚湯)拍拖,二人大方曬情侶公仔相默認愛,事隔壹晚,今午馬國明開工時明顯春風滿面,仲冧滋滋咁開腔確定靚湯地位,對女友贊到上天,仲自爆已經見曬家長添!

馬國明怕怕醜醜咁接受東網訪問,佢大方承認靚湯女友身份,被問到計劃結婚未?他說:“未諗到咁遠!個Post都算系公開嘅,其實之前都喺訪問講過,我哋都有曬共識,如果畀人影到就講啦,無啦啦自己講又好奇怪嘅,就好似做新聞咁…又唔系好想有做新聞咁嘅感覺,咁啱尋日有人影到,就Post出嚟!系承認咗㗎啦!(怕醜樣)希望大家畀啲空間我哋,等我哋可以進展嚇!”

問到系咪已經入曬屋?馬國明直認不諱:“都同Uncle Auntie食過飯,睇妳指入屋嘅定義系咩?”壹問到靚湯有咩吸引力?馬國明即面都紅曬,笑笑口狂贊:“佢性格好簡單,好容易笑,追求嘅嘢都好簡單,同我都幾似~大家呢排傾開偈,又好似有啲感覺,咁就嘗試了解嚇!”


回复

使用道具 举报

4

主题

51

帖子

151

积分

注册会员

Rank: 2

积分
151
 楼主| 发表于 2020-6-18 19:46:06 | 显示全部楼层
新劇煞科 湯洛雯呻冇得同馬國明去旅行

藝人蕭正楠(阿蕭)、湯洛雯(靚湯)、簡淑兒及沈震軒等,出席TVB新劇《壹笑渡凡間》開鏡拜神。壹眾演員齊聲表示今次合作相當愉快,阿蕭與靚湯齊齊受訪時更互嘲對方笑點低,令拍攝現場充滿笑聲!靚湯於臺上被拍檔們取笑“收獲甚豐”,她面紅道:“都唔關呢套劇事(指與馬國明拍拖)。”

由於疫情關系,《壹》劇倘有兩天便煞科,開鏡禮卻延遲到今日才舉行。問到阿蕭與靚湯竣工後有何安排,靚湯即謂:“壹定要昏睡幾日先,不過依家仲系工作mode,諗緊今晚淋雨戲點演。(馬國明套劇都差唔多煞科喇!)依家又冇得去旅行,睇嚇到時點啦,或者行街食飯。(好似話馬國明好兄弟林子善同唐詩詠等,事前唔知妳哋拍拖,有啲唔開心!)我哋都冇諗住同人講,想等穩定啲先,況且呢排開緊工,我連岑杏賢都壹樣都冇講。(遲啲請食飯氹番佢哋?)咁要睇佢(馬國明)點安排喇,佢邀請會出席,咁我同子善及詩詠都合作過,識嘅。”

另外,講到黃翠如找到阿蕭多年前的閃卡,但因為要花費5元“卻步”,阿蕭毫不介意,且大贊太太謂:“佢真系好慳家㗎,5蚊佢情願買棵蔥都唔會買閃卡啦。”他指閃卡拍攝約於自己24、5歲時,絕對是美好的回憶:“不過嗰時我啲粉絲都有儲,所以壹套套咁送畀我,喺我嘅屋企有壹個角落有收藏。”記者打趣問靚湯可有珍藏馬國明閃卡,她笑答:“嗰時我鍾意何嘉莉同張栢芝咋,所以有儲!”

回复

使用道具 举报

4

主题

51

帖子

151

积分

注册会员

Rank: 2

积分
151
 楼主| 发表于 2020-6-18 19:46:41 | 显示全部楼层
剛承認與湯洛雯(靚湯)拍拖的視帝馬國明,心情大靚為TVB劇集《BB大曬》開工,期間大受街坊歡迎,馬國明也有向他們揮手,被街坊大贊又高大又靚仔又有禮貌。

對於公開戀情友全城祝福,馬國明笑指沒想過大家如此反應大,談到靚湯冧數他5個優點,馬國明也甜笑說:“哈!多謝佢!(佢話有啲怕妳,因為仰慕妳喎!)佢講啫!壹齊相處都唔覺佢怕我,相處唔系要邊個怕邊個,互相扶持啦。(戀情全城關註有壓力?)又冇,正常,當初要講出嚟就系唔想有壓力。(拍拖兩個月已經被撞破?)我哋喺公司成日食飯,好隨緣,愈避忌愈辛苦,影到就公開,估唔到咁多人祝福,多謝大家(連靚湯父母都喪贊妳!)多謝佢哋。”

至於當日舊愛黃心穎背他搭上人夫許誌安,事件發生後安仔壹直停工,直至今晚終“復出”錄影ViuTV音樂節目,馬國明也大方送祝福:“希望佢冇事,件事過咗咁耐,大家都要向前看。(原諒佢?)從來都冇嬲,心穎都冇嬲,件事發生後好快就冇嬲,無謂摷番出嚟講啦!希望安仔復出可以有個新開始,心穎都有個新開始,我唔知佢依家點,希望佢都搵到另壹半,事業上再做番好啲!”

回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2020-10-22 06:05 , Processed in 0.071732 second(s), 20 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表