王浩信陳自瑤離婚疑雲

iamsunny

占

iamsunny

東方日報C1：陳自瑤提離婚　同王浩信分居
2018年06月01日(五) 03:15

王浩信與陳自瑤結婚多年，最終捱不過「七年之癢」！據身邊好友透露，兩夫婦已分居一段日子，更指Yoyo已主動向浩信提出離婚，難怪她近幾日多次於社交網留言：「一次重要的抉擇勝過千百次的努力！」

現年34歲的「視帝」王浩信與36歲的陳自瑤於2011年結婚，但多次傳出分居及婚變，雖然多次合力解畫挽救，但始終保不住多年婚姻！據知，Yoyo已主動向浩信提出離婚，決心選擇自己往後的人生。浩信多年來緋聞多多，Yoyo仍力撐老公，望浩信有朝一日會定性，另一邊廂是為女兒王靖喬着想，故每當浩信有緋聞時，她都會硬着頭皮挺身護夫，早前還日操夜操，希望保住最佳狀態，外形上絕不會輸蝕給一眾後生女。

帶阿媽買樓　老婆失蹤

可是凡事都不能盡如人意，Yoyo忍得一時但難忍一世，近日終於去意已決！其實Yoyo今次下定決心離婚，從其個人社交網已有所暗示，她曾留言：「最大的放生是放過自己，嘗試改變自己不要再傷害自己……其實真正能讓我們哭笑的不是別人，而是自己，若你的喜怒都來自他人，那麼你就是個無能的傀儡。」她又以多次「Yoyo正能量分享」為題留言：「多麼忙不重要，忙甚麼才重要！一次重要的抉擇勝過千百次的努力！今天的生活是由三、五年前選擇決定的，而三、五年後的生活是由今天決定的！」可見其想「重生」的決心！
Yoyo又指最需要的不是別人的憐憫或關懷，而是一種頑強不屈的自助：「你若不愛自己，沒有誰能幫你。一千種來自外在的鼓勵，都不如你給自己的一道掌聲！」浩信早前公開表示會買獨立屋畀老婆，但最終只帶母睇樓並以3,000多萬元於清水灣購下豪宅，但Yoyo完全未見影，一家人買樓如此大件事，老婆卻失蹤，明眼人已睇得出發生何事。

異口同聲稱關係未變

據知情人士指，兩人一早因性格不合、感情有變等種種問題而分居，浩信更不時與朋友表明與Yoyo的感情已轉淡：「始終浩信依家上到呢個位，得來不易，雖然佢同老婆感情係點大家有目共睹，但始終依家係佢搏殺期，免得過都唔想形象受影響。」記者昨日致電給浩信，問到是否正與太太搞離婚時，他只說：「冇啲咁嘅事，多謝大家關心。」而Yoyo亦與浩信同一口徑：「唔想再回應，多謝大家關心。」

iamsunny

【獨家】受婚變困擾　王浩信忘我發洩精力
2018年06月01日(五)

東網率先踢爆陳自瑤（Yoyo）向視帝「視帝」老公王浩信提出離婚，兩夫婦已分居一段日子，事件引起不少關注。飽受婚姻問題困擾的王浩信，實行出「精」發洩！下午2時45分，浩信獨自駕車離開將軍澳寓所前往觀塘，戴帽及口罩的他落車後，問他去哪裏？他木無表情表示：「依家去做Gym！」經過兩小時忘我發洩，王浩信汗流浹背手持水樽往停車場取車，當記者上前問他有關與Yoyo分居一事？他明顯有所回避：「唔傾喇！唔講喇！」然後匆匆駕車離開返屋企。

家事搞到慌失失

家事煩，王浩信明顯心煩，他今日在社交網上載做Gym的片，大晒麒麟臂；另一條片，他與藝人陳志健玩格鬥，實行忘我發洩精力。早於日前，王浩信已上載與好友楊潮凱訴心聲的照片；另一日，他更話自己踩單車閃避途人搞到慌失失。

然而，儘管陳自瑤近一年沒有在社交網上載跟王浩信的合照，但爆出婚變後，陳自瑤今日在社交網上載產品照片，王浩信仍有畀Like。

iamsunny

王浩信陳自瑤婚變　囡囡由祖父母代為照顧

王浩信跟陳自瑤傳出婚變，早前東網率先爆陳自瑤（YoYo）對王浩信心淡，主動提出分居要求。王浩信近年因為多齣劇集而爆紅，身邊的緋聞亦傳過不停，雖然YoYo口口聲表示對老公信任，但久而久之信心開始動搖，加上王浩信因為工作多的關係，他見家人的時間愈來愈少，夫婦間的距離亦愈走愈遠。

隨着兩人冰封關係，YoYo漸漸對王浩信失去信心，尤其是王浩信一而再，再而三沒有遵守承諾，曾經講過每年會跟太太去一次旅行，又話要買樓送畀老婆，結果全部都冇做到，仲要在陳自瑤不知情下買咗層3000萬豪宅送畀媽咪，徹底當YoYo透明，令她心碎決定分開。早前在外地工作返港，她即刻跟王浩信攤牌，有指她要求王浩信搬走。YoYo近年有返教會，更常同教友傾訴心事，兩人的女兒今年9月升讀小學，將由爺爺嫲嫲代為照顧，王浩信就與YoYo分居一直表示不回應。

iamsunny

王浩信談夫妻關係：愈來愈清晰

王浩信跟陳自瑤傳出婚變，早前東網率先爆陳自瑤（YoYo）主動提出分居要求。王浩信對婚變傳聞曾經表示不作回應，而YoYo更是封口不提。

最近王浩信接受DJ車淑梅主持明日播出街的電台錄音訪問，訪問中王浩信談到女兒滔滔不絕，但對太太陳自瑤的婚姻關係，他就點到即止。王浩信與YoYo結婚七年，仍不是傳出緋聞，他表示與太太都只會一笑置之，希望私人生活不會繼續成為大家茶餘飯後的娛樂。至於如何提升夫妻的關係，他細想後認為溝通是最重要的︰「我哋咩都會攞出嚟傾，喺我得獎後呢段時間，我有更大嘅啟發，呢段時間亦令我哋溝通多咗，關係愈來愈清晰。」

大讚囡囡好聰明

問及當年28歲便結婚，有否擔心會失去觀眾的支持？王浩信指上天對他不薄，得到觀眾的支持之餘，家庭亦是他的一大支柱。他說：「我曾經以為（照顧）小朋友會花好多時間，又怕唔夠錢，慶幸個囡好聰明。我又發現小朋友嘅天真可以淨化自己心中嘅負能量。」王浩信回想女兒出生前一晚，緊張得徹夜未眠，終於在產房初見女兒，便忘卻所有疲憊。他說：「我哋會盡力保護女兒嘅私隱，唔會公開佢嘅照片，我都好少去學校接佢。個囡好鼓勵我，每次都叫我加油，我同佢嘅關係唔似父女，而係似朋友。」

王浩信在訪問中多次談及女兒，問到他和太太如何在繁忙的工作中，和女兒保持良好的關係？他直言以往太專注工作，或忽略了女兒的成長︰「依家每次放假，我就會爭取每日陪吓佢，個囡已經六歲大，好識得表達同溝通，呢段時間對我嚟講係一個彌補。」

iamsunny

老婆下晝見人　王浩信晒藍天白雲似有暗示

現年34歲嘅「視帝」王浩信同36歲嘅陳自瑤（Yoyo）結婚七年，但多次傳出兩人分居及婚變嘅消息，最近仲有指Yoyo已主動提出離婚！連日嚟兩公婆未有為婚變傳聞解畫，而王浩信尋日就喺社交網上載咗同囡囡一齊畫畫嘅相，其愛犬都有陪伴，但就未見Yoyo蹤影。

今日下午Yoyo會出席公開活動，相信會為離婚一事解畫，而喺Yoyo出席活動前夕，王浩信再次更新社交網，上載一張藍天白雲嘅風景相，意有所指留言：「無論任何人的關係都是一面鏡，它映照了你的本質，好好感恩你每一天仍然能夠存在，去感受，去活着，去愛，去體驗狂喜，我就感恩今日太陽終於出返嚟。」網民都紛紛猜測莫非兩人關係雨過天晴？

iamsunny

冇戴婚戒！陳自瑤婚變後首現身

藝人王浩信同陳自瑤傳出婚變，今次係陳自瑤傳出婚變後首次出席活動，東網巨星直擊成個過程！陳自瑤着住波點裝現身，手上冇戴婚戒，活動期間笑笑口同主持互動，因為今次係有關世界盃嘅活動，陳自瑤就話撐阿根廷呀。講到會唔會畀小朋友參加課外活動，陳自瑤就話好支持！

講到父親節，問到點樣慶祝？陳自瑤自認傳統：「同屋企嘅『父親』一齊慶祝。」佢又覺得心思比較重要，希望小朋友做手作送畀爸爸做父親節禮物。

iamsunny

傳陳自瑤死心堅決離婚　王浩信：哈哈！

藝人王浩信與太太陳自瑤又再傳出離婚消息！今日有報道指陳自瑤死心，堅決離婚；亦有指浩信現時都好生性，還跟好友伍允龍返教會，尋求心靈輔導；另外還有叫太太接受婚姻輔導。對此，浩信接受東網訪問時說：「哈哈！流料，沒有回應！」

iamsunny

屢傳與陳自瑤離婚　王浩信最驚影響…
2018年12月07日

藝人王浩信出席《解決師》煞科宴，問拍完劇可是鬆一口氣？他表示：「都係，套劇拍咗五個幾月，算係拍得最長嘅一套。」問他之後可會放假？他說：「冇呀，過兩日就要拍電影，依家準備緊角色。（有咩對手？）未講得，但係有挑戰性嘅角色，係一個曾經喺香港出現嘅經典角色，所以重新演繹嘅難度都高。（你隻手嘅傷勢會唔會影響到演出？）依家好番四成，佢哋都好錫我、盡量遷就我，將要郁嘅戲份擺後少少。（唔係打戲？）會有打嘅內容，但唔係主要。」

講到王浩信再傳離婚，更指太太陳自瑤去意已決，他對此表示：「都冇嘢回，之前都講過。（話你去婚姻輔導？）唔屬實嘅嘢唔回應。（成日傳呢啲係咪好攰？）希望將所有精力擺喺演藝工作上。」問太太對此事有何反應？他說：「大家都當笑料一則。（驚唔驚影響到小朋友？）都驚，所以唔好咁多喇。」

iamsunny

又傳離婚！陳自瑤王浩信食團年飯闢謠
2019年01月31日(四) 18:17

藝人陳自瑤（YoYo）出席活動，跟大廚示範煎蘿蔔糕秘訣，而YoYo稱賀年食品最愛都是蘿蔔糕，但因為正忙着開2套劇，所以都沒時間親自炮製。可會給女兒吃賀年糕點？她說：「都畀佢食，但就唔煎太耐，怕太熱氣。」她謂都會親自整湯丸或者包餃子，比較簡單一點。至於農曆新年，她稱覩有幾天假期。因據知其老公王浩信亦拍劇中，豈不沒時間陪女兒？她則言：「咁我開工都唔係開24小時，阿女返學返朝早，夜晚都會陪到佢食飯。（老公呢？）佢都真係冇時間。」會唔會新年約朋友返屋企開Party？YoYo謂：「朋友都有問，但都要睇時間夾唔夾到，因初一、二都係陪家人。」

之前又傳兩夫妻已離婚？她謂：「上次開工大家嚟探班都問咗，亦回應晒，唔再回應啦。（趁新年一家出動可以闢謠？）係呀，新年都係食下團年飯，休息下，去拜下年。（老公都應該初一、二唔使開工？）所以都係得嗰幾日去唔到旅行。（阿女會唔開心？）咁我一有時間，阿女又放假都會去旅行嘅。」