『愛美麗狂想曲』拍攝跟蹤

lily123

(HK01)
《愛美麗狂想曲》下月翡翠台播　陳瀅李佳芯性感殺入黃金時段？

由李佳芯、陳豪主演嘅《愛美麗狂想曲》被安排喺myTV SUPER上架，令唔少觀眾錯失李佳芯、陳瀅、鐘晴輪等人嘅半裸或性感演出。之不過，有消息指無綫已安排《愛美麗》緊排《燕雲台》檔期，於二月時在翡翠台黃金時段播出，劇集監製羅永賢（Marco）接受《香港01》訪問時表示：「係呀，劇集將會喺15號在翡翠台首播。」問到會否擔心收視受農曆新年而有所影響，Marco就話：「出街當日已經係年初四，有影響都只會係好影響，呢個係電視傳統嘅好檔期啊！」似乎對新劇十分有個心。

其實《愛美麗》早在2019年10月已完全拍攝，加上有李佳芯、陳豪、陳瀅、蕭正楠等小生、花旦主演，本應唔需要成存倉劇，但由於李佳芯前年曾捲入政治風波而遭到無綫雪藏，而同劇的朱智賢又陷偷食人夫風波，所以之前有網民估《愛美麗》只會成為myTV SUPER限定，但如今得監製親口證實下月見街，相信對劇迷嚟講都係好消息。

ching2506

(on.cc)
洗底成功新劇將播出！朱智賢獲無綫放生後日見人
03月18日(四) 23:03

藝人朱智賢之前因與人夫黎振燁的負面新聞而遭無綫雪藏停工，上年有傳她會復出《東張西望》做主持，但最終沒有成事，事件發生差不多一年了，朱智賢一直未有「現身」及被派工作，但她亦相當積極洗底，勤做運動、修心，亦不時於社交平台上載行山及做運動相片，力挽形象。據知無綫明天正式「放生」她，朱智賢有份演出的劇集《愛美麗狂想曲》下星期一播映，無綫高層開會後一致通過給她翻身機會，於後日（20日）宣傳活動正式復工見人。她接受東網訪問被問及此事，只回覆謂：「一切都等公司安排吧！」

而《愛》劇中，朱智賢與楊詩敏周旋於曹永廉之間，飾演女強人的她更獻出螢幕初吻給阿廉，劇中她亦有不少性感場口，說到與阿廉打拳戲份，她說：「劇中自己有個好慘嘅經歷，同阿廉有關嘅，所以之後先會做女強人，至於打拳場戲，因為我唔識呢項運動，又未拍過打戲，唔識點用力，一來拍打親佢，二來又怕出嚟效果唔逼真，不過阿廉好好，佢知我驚，怕我有壓力，佢猛叫我照打，好多嘢佢都遷就我。」

而曹永廉受訪時坦言不知道自己索得朱智賢螢幕初吻，他笑謂：「我真係唔知，講聲唔好意思，如果唔係嗰陣拍完場咀戲我一定封番10蚊、8蚊利是畀佢，大家利利是是嘛！」