TVB 剧集情报社 - tvbfiles.com

 找回密码
 立即注册
搜索
8pm  愛.回家之開心速遞830pm  錦繡南哥930pm  木棘証人(10/19)
11廠: 愛.回家之開心速遞   12廠: 異搜店  我家無難事
13廠: 換命真相   15廠:
 合拍:兒科醫生
外判劇:智能愛AI人   金宵大廈2
邵氏:飛虎3壯志英雄
即將開拍:拳王 
楼主: admin

[播映完毕] 『殺手』拍攝跟蹤

[复制链接]

37

主题

618

帖子

2338

积分

管理员

Rank: 19Rank: 19Rank: 19Rank: 19Rank: 19Rank: 19

积分
2338

突出贡献优秀版主荣誉管理论坛元老

 楼主| 发表于 2020-5-22 21:43:09 | 显示全部楼层
【星岛日报】
《殺手》緊接《雷霆極戰》播出 李佳芯配合宣傳成功解凍
2020/05/22



由兩大視帝黎耀祥和陳豪及視后李佳芯演出的《殺手》,於2018年底已完成拍攝,惟有傳因佳芯遭無綫雪藏,令劇集一度變成倉底貨,甚至連原定她有份演出的《踩過界II》、《BB大晒》、《白色強人II》及《七公主》四部劇集都要換角;在無劇拍的日子,李佳芯醉心於寫書,故一度傳出她轉行的消息。事情發酵後經過數個月「過冷河」,無綫似乎有意放行,已安排《殺手》緊接《飛虎之雷霆極戰》、於6月29日播出,但有傳佳芯在劇中的戲分被刪減。

李佳芯被問及「解凍」一事,她稱這方面不回應。有傳《殺手》因為她被「封殺」才延遲推出,她說作為演員拍完便算,劇集何時推出她控制不到,她亦不會想太多。至於劇中戲分是否被刪減?她表示不清楚,要等劇集推出看過才知,稍後她會為劇集宣傳,但要等公司安排。雖然這段時間她沒有拍劇,但她忙於寫書,希望趕及暑假推出。

獲祥仔大讚夠勤力

拍檔黎耀祥讚李佳芯是一位好勤力的演員,希望大家給她機會,他一直強調藝人是提供娛樂給觀眾,拍出來的作品希望有機會給觀眾欣賞,他不知敏感事件真與假,既然不清楚還是少講為妙。祥仔本身很期待劇集推出,劇中他飾演殺手,因徒弟去世而發憤報仇,今次的角色有別於以往的劇集,也是他入行以來打得最多的劇集,雖然為角色操練修身好辛苦,但也覺值得。

監製否認刪減戲分

監製陳維冠被問到李佳芯是否「解凍」?他說從來沒有諗過李佳芯是否解凍,接到通知劇集即將推出全組人都好開心,因為大家拍得好辛苦,希望給觀眾欣賞。他又否認李佳芯在劇中戲分被刪減,對於有報道指李佳芯會唱劇集插曲,他表示不正確,但透露她會為劇集做宣傳,但希望大家焦點放在劇集方面。


回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 20:26:37 | 显示全部楼层
(HK01)
【余德丞入院】被迫辭演《殺手》 監製陳維冠:佢要多啲休息
撰文:陳栢宇
2018-08-16 20:10
最後更新日期:2018-08-18 15:46

無綫藝員余德丞(Dickson)上星期三(8日)晚在西營盤中山紀念公園球場參與業餘足球賽時,因為感到身體不適而坐在場邊休息,期間他突然暈倒抽搐,波友發現後即電召救援車,將昏迷不醒的余德丞送到瑪麗醫院救治,不久後他即轉往深切治療部留醫,情況一度危殆。

昏迷兩日後,余德丞母親向各界公布喜訊,指兒子已經跨過難關初步甦醒,到剛剛過去的星期日(12日),余媽媽便向傳媒透露兒子可以傾偈、飲食,而前日(14日)余媽媽亦親證兒子已轉到心臟科病房。雖然余德丞現時情況穩定,但因為仍然需要留院觀察,所以迫住要辭演兩個劇集角色。

據知,余德丞因為今次入院被迫辭演新劇《殺手》和周日劇《救妻同學會》兩套劇集,而這兩個角色碰巧地均由24歲小鮮肉伍富橋(Alvin)接演。《殺手》監製陳維冠接受《香港01》訪問時承認伍富橋已經接替原定由余德丞飾演的年青版陳豪角色:「因為余德丞要多啲時間休息,我哋劇組都好錫佢。(影響大?)其實佢都係客串一集,同埋有動作場面,如果佢為咗呢一集而整親就唔抵。(佢有冇唔開心?)佢仲後生,大把機會,上次同佢喺《誇世代》合作都好開心,佢好返我都會繼續用佢。」而伍富橋回覆記者時就指不清楚自己是否接替余德丞演出:「我唔太清楚呀,角色係公司安排。」


回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 20:37:48 | 显示全部楼层
(星島日報)
黎耀祥苦練腹肌 新劇裸戰陳豪
2018-08-19 00:00

黎耀祥與龔嘉欣於無線新劇《殺手》中的造型非常突出,嘉欣頭髮剷青又紋身,並以露腰裝示人,祥仔則要在炎熱天氣下戴着假肚腩拍攝。二人前晚於中環拍外景,祥仔不禁直言每次都拍到一身汗,但劇情最後會講他除衫和陳豪對打,所以現在已開始操Fit,更叫陳豪要就就他。

黎耀祥、龔嘉欣與戴耀明,前晚於中環拍攝無線新劇《殺手》,劇情講述嘉欣飲醉酒,要祥仔和戴耀明扶着離去,期間嘉欣發酒瘋,對祥仔又咬又踢,最後二人夾手夾腳將嘉欣塞入車尾箱帶走。祥仔在拍攝前特意提點嘉欣如何入車尾箱才不會弄傷,非常照顧後輩。

嘉欣是日的造型非常突出,頭髮剷青又紋身,更穿上露腰裝示人。祥仔則要戴上假肚腩,因為是膠製的假肚,所以非常焗,加上正值高溫的炎熱夏天,拍了一會已滿頭大汗,特別辛苦。祥仔透露假肚腩是拍攝需要,他說:「現在這個劇中狀態是比較落魄,意志消沉的狀態,後來我的徒弟被殺,激發我開始發憤,最後更會除衫和陳豪鍊過,所以現在要開始操練。呢套劇拍到12月,希望到時操到有腹肌,我會叫陳豪就就我,好彩他最近都肥了。」

嘉欣則指祥仔其實已練有4塊腹肌,期待他除衫拍攝的一幕。她又指今次造型特別,算是入行以來最大的突破,當成是紀念入行10周年的禮物,是一個里程碑。她說:「人生有幾多個10年,我都未拍過一套劇係着咁少布又要紋身,今次能夠試到特別的東西都很開心。我的戲服全都是露腰的,所以拍之前就要開始節食,最開心是終於可以跟祥哥合作,是入行10年第一次,而且和他又多對手戲,我們在劇中的關係又好微妙。」

祥仔笑指下個10年再與龔嘉欣合作,到時演她的爺爺,但嘉欣即時Say No,並笑道:「你要做我男朋友,仲要有親熱戲。」祥仔聞言一口答應。

回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 20:45:40 | 显示全部楼层
(頭條日報)
「死魚眼」平反 拍「視帝祥」扮父女 演技升班 麥明詩一秒爆喊無NG
24/08/2018
   
26歲嘅「十優港姐」麥明詩(Louisa),兩年前被大台力捧,惜處女作《賭城群英會》撻Q,被狠評戲屎更被嘲「死魚眼」。影視累積更多經驗後,近日Louisa拍住視帝黎耀祥喺無線新劇《殺手》中扮演兩父女,話晒同視帝鬥戲,女方都不容有失。日前,Louisa和「爸爸」祥仔及謝東閔喺大坑拍外景。見飾演視障嘅Louisa演出一場喊戲時,話喊就喊,唔使NG一take過,三個人合作效率奇高,唔使三個鐘拍晒幾場戲收工嘞!

拍過四部劇集、四部電影嘅麥明詩,16年被派演出首部劇集《賭城群英會》,零經驗加上角色複雜,其歇斯底里嘅演繹方式未獲觀眾受落,「死魚眼」慘被攻擊。對此,當事人坦言雙眼係弱點。其後喺《使徒行者2》和《誇世代》演技逐漸進步,喺重頭新劇《殺手》中就被監製陳維冠睇中,安排Louisa做祥仔阿女。Louisa為新劇剪短留咗十幾年嘅長髮,飾演失明調音師。

睇劇本培養情緒
日前晚上8時許,Louisa、祥仔和謝東閔(Brian)齊齊喺大坑拍外景。先見戴上假肚腩、飾演過氣殺手嘅祥仔喺大廈外standby,未幾就作狀跑走,一個簡單鏡頭一take過啦!之後輪到祥仔和Brian嘅對手戲,講述祥仔截停對方部靚車,再毆打Brian。兩個大男人先試兩次打戲,見祥仔作狀拳毆對方,Brian露出好痛嘅樣,落力配合。同時,場邊穿上白色長裙嘅Louisa已默默手拎劇本培養情緒,四眼妹Louisa木無表情獨自練戲。監製再roll機拍攝祥仔痛毆Brian一幕,連環拳加腳踢到對方坐地,Brian哀求祥仔停手。

動作戲順利過關,等咗逾一小時嘅Louisa拎住盲公竹埋位,先拍一場逃跑戲,再同祥仔做對手戲。見祥仔係咁解釋、苦苦狠求「阿女」唔好走,但「盲女」掙扎要走,險被車撞。Louisa七情上面,一秒爆喊,睇見都可憐!直至導演嗌停,Louisa才慢慢平復心情,以紙巾拭淚,喊戲完成唔使眼藥水,唔怪得Louisa曾話過喊戲係佢強項,因為本身夠感性囉!







回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 20:53:42 | 显示全部楼层
(on.cc)
江美儀谷胸爆鈕做一樓一 小鮮肉中佬通吃
2018年09月01日(六) 21:00

藝人黎耀祥(祥仔)和江美儀為無綫新劇《殺手》進行拍攝,在劇中飾演一樓一鳳的美儀谷胸爆鈕角色扮演OL現身,戴上長假髮扮純情的她造型一絕,與赤裸上身的小鮮肉黃耀煌做對手戲扮接客,她接受訪問時笑言:「個客想我着乜就着乜,之後會有cosplay造型同埋好多性感喱士睡衣,我要買定啲穩陣嘅打底衫,因為會有啲動作場面怕走光。」

至於祥仔於劇中飾演美儀的「恩客」,問到他們會否有「動作戲」?美儀說:「我同佢只有事前事後,係冇中間過程,我哋嘅關係有啲曖昧,有感情戲,但冇親密戲。」雖然祥仔與美儀沒有「動作戲」,不過在劇中飾演殺手的他有不少真正的武打場面,他說:「三日一大打,兩日一小打,以前拍文戲多,今次係入行以嚟最多打戲嘅一套,都好辛苦,受傷一定有,打到肌肉痠痛,膝頭又腫,因為監製要求高,所以大部分動作場面都係我親身上陣,之前監製都有安排我操吓、拉筋同練吓基本動作。陳豪都係殺手,佢高級啲係揸槍,我就做低檔嘢用拳腳。」美儀戲言以後祥仔就是武打明星的代表,不過祥仔自嘲拍完這套劇要收山。











回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 21:01:39 | 显示全部楼层
(星島日報)
陳豪做鹹濕殺手撩女仔
2018-09-07 00:00

日前陳豪跟李佳芯、高海寧及譚嘉儀於大坑天后廟為《殺手》拍外景。陳豪跟高海寧合演一幕英雄救美,陳豪幾句簡單對白即使出花招,逗得高海寧笑不攏嘴。

談到劇中飾演殺手,可有為此再操肌?陳豪說:「有,去到我呢個年紀,每一次拍劇我都要自己做型佬,唔要做麻甩佬。」陳豪透露劇中雖沒有騷肌戲,但都會努力操更大隻。提到角色相當有趣,他笑說:「係一個好頂尖嘅殺手,但當中又不失鹹鹹濕濕、風流倜儻咁。啱晒我,我又鍾意玩,扮吓嘢,撩女仔難唔到我嘅,哈哈!」

李佳芯稱她是劇中唯一一個普通人,沒有任何技能之餘,更是一個帶着11歲兒子的「師奶」。記者取笑她繼《BB來了》後,飾演一個更有歷練的媽媽。她笑說:「係啊!唉,我覺得自己返唔到轉頭,啲仔愈來愈大,仲要11歲。演繹上係好唔同嘅,但係之後有啲後生啲嘅角色囉,哈哈!」

高海寧劇中飾演一名「神婆」,談到她的新髮型於網上洗版,指她酷似關詠荷。她笑說:「其實中學嘅時候,有人話我似關詠荷,關詠荷都係靚女啦,演技又好好啦。我條命好似佢咁就更加好啦,嫁咗畀個影帝,咁好嘅老公,我唔介意似佢。」

回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 21:08:07 | 显示全部楼层
(on.cc)
操上癮!龔嘉欣周身傷?止痛貼廣告
2018年09月29日(六) 23:12

藝人龔嘉欣、黎耀祥及陳國峰為無綫新劇《殺手》開工,拍攝國峰於街頭突襲嘉欣的戲份,嘉欣徒手力戰手拿斧頭刀的國峰,場面驚險!嘉欣日夜不停打,日前終頂不住要黐止痛貼,她說:「我已經傷到冇感覺,瘀咗都唔知,依家最傷係對腳,因為冇得墊,背脊就肌肉拉傷,所以希望可以?吓止痛貼廣告同去疤嘅產品就好喇!」

每晚照鏡摸腹肌
談到近期身形弗到爆,嘉欣直言最滿意操出馬甲線:「原來真係會操上癮,依家我每晚都會照鏡,摸吓自己腹肌,好自戀,同埋就算幾夜收工,返屋企都會操完先瞓,朋友建議我拍完套劇影輯相,紀念呢條馬甲線。」

黎耀祥韌帶發炎
而黎耀祥則表示除了瘀傷,一場追逐戲更跑到膝蓋腫,他說:「平時少做運動,又冇熱身,搞到韌帶發炎。(下次仲拍唔拍打戲?)唔拍啦!但如果多錢就梗係拍啦!」更指拍攝該劇以來瘦了8磅,現正苦練腹肌,雖然已見兩、三舊漸見成效,但寄望腹肌數目能多一倍,他說:「要戒口,但我堅持唔到咁耐,始終有層脂肪喺面,但呢個體重已經係我10年前㗎喇!」







回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 21:14:20 | 显示全部楼层
(星島日報)
黎耀祥捱餓操肌打到周身瘀
2018-10-01 00:00

黎耀祥為新劇《殺手》搞到無啖好食,在劇中不但有大量的對打鏡頭,還要由大肚腩操到有6塊腹肌,他承認一把年紀拍打戲比較辛苦,但很鍾意這部劇的戲種及角色,為操肌忍口也在所不計,日前中秋節他「萬歲」請劇組吃薄餅與炸雞,美食當前也十分克制。

黎耀祥與龔嘉欣在新劇《殺手》打到飛起,也是祥仔入行以來拍得最辛苦的一部劇。除龔嘉欣外,他還與陳豪、林利及樊亦敏都有打戲,手腳打到瘀晒也是在所難免。問到太太可有心痛?他說還可以,太太已習慣,唯有自己小心一點,反而他替對手襲嘉欣擔心。祥仔指嘉欣的角色造型獨特,難以安排替身,所以每場打戲都要親身上陣,嘉欣穿上高跟鞋及性感戲服拍打戲難度好高,加上少拍打戲不懂得就力,有時NG好多次,但愈多NG愈辛苦,而且打到周身傷。

近年祥仔拍劇貴精不貴多,談到他已一把年紀,現時拍打戲會否很吃力?祥仔承認會吃力,今次是監製挑戰他的極限,亦因為拍這部劇他才有動力操Fit自己,由大肚腩變成6塊腹肌的殺手。他透露後段劇情交代自己與陳豪對決,目前他已操到4塊腹肌,不管每日何時收工,回家後必定抽時間做運動,目標再減4磅,實行要向難度挑戰。

祥仔坦言當初接到通知開拍這部劇時已經開始減肥及操肌,他覺得整個過程好艱辛,只可吃烚菜及雞肉,好似日前中秋節他「萬歲」請劇組吃薄餅及炸雞,看到一枱都是美食,他仍非常克制,只吃了兩塊薄餅、兩件雞及一啖飯。祥仔很有信心能夠操到6塊腹肌,事關有陳豪這位專家,經常提點他的飲食及計算卡路里的方法。

回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 21:18:05 | 显示全部楼层
(on.cc)
龔嘉欣處女床戰黎耀祥:我仲要擒上去
2018年10月02日(二) 23:15

藝人黎耀祥(祥仔)與龔嘉欣(Katy)日前於新蒲崗為無綫劇集《殺手》拍攝,劇中二人都是殺手,經常有打戲,Katy全套劇大多以野性Look上陣,她更大爆之前與祥仔於錄影廠內拍攝了一場床戲,更是她從影以來首次拍床上戲,第一次就給了祥仔。

說到第一次就給了「爸爸級」的祥仔,Katy謂:「同第二個拍可能會尷尬、會怯,但同祥仔拍就唔會,佢畀到好大信心我,好專業。」記者笑指祥仔好有經驗時,祥仔謂:「呢啲同經驗冇關係嘅!」Katy亦即時同祥仔說:「真係,好在對手係你,我仲要擒上去喎!場戲其實都好有喜劇感。(第一次就畀咗「爸爸級」嘅祥仔!)我OK,好Enjoy,直頭下一套劇自薦想再同佢拍,我成套劇都好多打戲,自己要好專注睇住啲位,但佢好就我,次次拍完都要抱抱祥仔!」





回复

使用道具 举报

34

主题

1354

帖子

3790

积分

超级版主

Rank: 15Rank: 15Rank: 15Rank: 15Rank: 15

积分
3790

热心会员突出贡献优秀版主论坛元老

发表于 2020-6-15 21:24:54 | 显示全部楼层
(頭條日報)
凌晨又打又踢六粒鐘 龔嘉欣擘髀隻揪黎耀祥
05/10/2018
   
28歲龔嘉欣在新劇《殺手》中一改過去清純形象,剷青、染頭髮加成身紋身變身狂野「正義」女殺手,以半價收費專殺負心漢。日前深夜11時,「正義」嘉欣現身筲箕灣,因為要追殺「收數佬」黎耀祥正追數的債仔,兩人為搶人而大打出手,被威吔凌空吊起的嘉欣用力擘髀再猛力踢向祥仔心口,凸顯好身手之餘亦展現了修長美腿,打足6個鐘至凌晨5時至收工,她笑說:「我筋骨太硬肢體動作唔夠靚,日日要靠拉筋幫手。」

監製陳維冠為求嘉欣出場夠爆,安排她以全黑Bra Top、魚網絲襪、高踭鞋配熱褲性感登場。嘉欣坦承Bra Top太貼身冇得加胸墊,只黐膠紙打底,亦係她全劇最性感的一個造型。當晚拍攝打鬥其間,嘉欣不慎踢倒黎耀祥,祥仔出手擋時亦有擊中嘉欣,甚至威吔失控撞向石壆,連埋吊威吔時手臂遺下的傷痕,她的肩背、手腳、下身均有瘀傷,全身貼滿膏布,又打又踢搞足六粒鐘,幸好面容無損:「第一次拍打戲我乜都唔識,監製又要求親身上陣,有時拍到尾聲都無晒氣,力不從心。不過,祥哥好好人,就算整親佢,佢只有鼓勵說話,唔想嚇親我畀我壓力。我好欣賞同佩服佢,佢個角色要戴住個假肚腩又跑又打,比我更加辛苦,每場同祥哥嘅戲都拍得特別『甘』。」

減肥緊要過瞓覺

對於今次有咁好嘅發揮機會,嘉欣唔理有冇獎攞,能否搶到戲都要盡做,她說:「我冇理性感問題喇,focus只放落對打招式,唯一最怕條腰摺起會好肥。每日唔理收工有幾攰,我都會照做操腹動作,連自己都覺得好癲。最初仲擔心狂野造型嚇怕觀眾,好彩操咗馬甲線,反而多咗運動品牌商招手。」







回复

使用道具 举报

您需要登录后才可以回帖 登录 | 立即注册

本版积分规则

Archiver|手机版|小黑屋|TVB 剧集情报社  

GMT+8, 2020-10-23 08:10 , Processed in 0.078352 second(s), 19 queries .

Powered by Discuz! X3.2

© 2011-2020 .TVB 剧集情报社.

快速回复 返回顶部 返回列表